قازاقستان تەرروريزم دەڭگەيى بويىنشا الەمدەگى ەڭ قاۋىپسىز ەلدەردىڭ قاتارىنا ەندى، دەپ حابارلايدى "ادىرنا" ۇلتتىق پورتالى.
2026 جىلعى جاھاندىق تەرروريزم يندەكسىنىڭ مالىمەتىنشە، قازاقستان بيىل دا 0.000 كورسەتكىشىن العان. بۇل ەل اۋماعىندا تەرروريستىك قاۋىپتىڭ جوققا جاقىن ەكەنىن بىلدىرەدى. وسىنداي نولدىك كورسەتكىشكە قىرعىزستان، تۇركىمەنستان جانە مولدوۆا دا يە بولدى.
ساراپشىلاردىڭ ايتۋىنشا، قاۋىپسىزدىكتىڭ جوعارى دەڭگەيى الدىن الۋ جۇيەسىنىڭ تيىمدىلىگىمەن، قۇقىق قورعاۋ جانە ارنايى ورگاندار جۇمىسىنىڭ ۇيلەسىمدىلىگىمەن، سونداي-اق حالىقارالىق ىنتىماقتاستىقپەن قامتاماسىز ەتىلەدى. ەلدە اۋەجايلار، تەمىرجول توراپتارى مەن ەنەرگەتيكالىق نىساندار سەكىلدى ستراتەگيالىق ماڭىزدى وبەكتىلەر زاماناۋي تەحنولوگيالار ارقىلى باقىلاۋدا.
سونىمەن قاتار، قاۋىپسىزدىك قۇرىلىمدارى توتەنشە جاعدايلارعا جەدەل ارەكەت ەتۋ ماقساتىندا تۇراقتى تۇردە وقۋ-جاتتىعۋلار وتكىزىپ، شانحاي ىنتىماقتاستىق ۇيىمى جانە ۇجىمدىق قاۋىپسىزدىك تۋرالى شارت ۇيىمى اياسىندا بىرلەسكەن وپەراتسيالار جۇرگىزەدى.
