بۇگىن، 19 ماۋسىمدا پرەزيدەنت قاسىم-جومارت توقاەۆ سۋ تاسقىنىمەن كۇرەسكە بەلسەنە اتسالىسقان ازاماتتاردى ماراپاتتادى. ولاردىڭ اراسىندا قوستاناي وبلىسى «زاتوبولسك وەك» مقك سۋمەن قامتۋ تسەحىنىڭ جوندەۋشىسى مارات ساتىبالدين دە بار، دەپ حابارلايدى «ادىرنا» ءتىلشىسى.
مارات سۇلتانۇلى سۋ تاسقىنى كەزىندە سۋ باسۋ قاۋپى بار جەرلەردە تاۋلىك بويى كەزەكشىلىك اتقارىپ، ادامداردى ەۆاكۋاتسيالاۋعا كومەكتەستى. وسىلايشا كوپتەگەن جەرلەستەرىنىڭ ءومىرى مەن مۇلكىن ساقتاپ قالدى. ول «ادىرنا» تىلشىسىنە بەرگەن سۇقباتىندا بۇل سالاعا كەزدەيسوق كەلمەگەنىن جەتكىزدى.
«قازىرگى تاڭدا سۋمەن قامتۋ تسەحىندا جۇمىس ىستەيمىن. بۇل سالاعا كەلۋىم كەزدەيسوق ەمەس، وعان جاقىن دوسىم تۇرتكى بولدى. بۇرىننان ينجەنەرياعا دەگەن قىزىعۋشىلىق تانىتتىم. ارمان قۋىپ، كوللەدجدە ينجەنەر ماماندىعىن وقىدىم. ءسۇيتىپ وسى سالادا جۇمىس ىستەۋگە بەل بۋدىم. ءدال وسى ماماندىقتى تاڭداعانىما وكىنگەن ەمەسپىن. بۇگىن، مىنە، 12 جىلعا جۋىق ەڭبەك ءوتىلى بار مامانمىن»،—دەيدى مارات سۇلتانۇلى.
ونىڭ توبىل قالاسىنداعى بوگەت پەن التىنسارين، ميچۋرين اۋىلدارىنا قۇم بوگەتتەرىن سالۋعا دا قوسقان ۇلەسى ۇشان-تەڭىز. مارات ساتىبالدين بۇل جۇمىستارعا ءوزى قاتىسىپ قانا قويماي، ءوزىنىڭ ەر ازامات ارىپتەستەرىنىڭ دە جۇمىسىن ۇيىمداستىردى. بۇل ءاربىر مينۋت ساناۋلى بولعان ەلدى مەكەندەردى سۋ باسۋىنان قورعاۋ پروتسەسىن ايتارلىقتاي جەدەلدەتۋگە مۇمكىندىك بەردى.
«سۋ تاسقىنى كەزىندە تاۋلىك بويى كەزەكشىلىك اتقاردىق. احۋال اۋىر ەدى، كوپتەگەن ءۇي سۋ استىندا قالدى، ال حالىق ۇرەيلەندى. كوپتەگەن قيىنشىلىقپەن بەتپە-بەت كەلدىك، اسىرەسە سۋ تاسقىنىنان زارداپ شەككەندەرگە كومەك كورسەتۋ، سۋمەن قامتاماسىز ەتۋ جانە قاۋىپسىزدىكتى قامتاماسىز ەتۋ سياقتى ماسەلەلەر شەشىلۋى قاجەت بولدى. بىراق ءبىز بار كۇشىمىزدى سالىپ، جاعدايدى باقىلاۋعا الۋعا تىرىستىق»،—دەيدى ول.
مارات ساتىبالدين – جەرلەستەرىنە، اسىرەسە، قيىن جاعدايدا كومەككە كەلۋگە دايىن تۇراتىن سانالى ازاماتتىڭ جارقىن ۇلگىسى.
«پرەزيدەنت قاسىم-جومارت توقاەۆتان ماراپات الۋ مەن ءۇشىن ۇلكەن مارتەبە جانە قۋانىش بولدى. بۇل مەنىڭ ەڭبەگىمنىڭ جوعارى باعالانۋى جانە سول ۋاقىتتا مەنى قولداعان بارلىق ارىپتەستەرىمنىڭ ەڭبەگىنىڭ دە باعالانۋى دەپ ەسەپتەيمىن. سول ساتتە ۇلكەن ماقتانىش سەزىمدە بولدىم جانە بۇل مەنى ودان ءارى جاقسى جۇمىس ىستەۋگە ىنتالاندىردى»،—دەپ ءسوزىن تۇيىندەدى تسەح جوندەۋشى.
ايتا كەتەيىك، بيىل ەل كولەمىندە 19 مىڭنان استام تۇرعىن ءۇيدى سۋ باسقان ەدى.
توپان سۋمەن كۇرەسكە كۇشتىك قۇرىلىمداردىڭ 63 مىڭنان استام قىزمەتكەرى اتسالىستى. قۇتقارۋ وپەراتسياسى بارىسىندا 120 مىڭنان استام ادام، ونىڭ ىشىندە 40 مىڭ بالا قاۋىپسىز جەرگە كوشىرىلدى.
ديانا اسان،
«ادىرنا» ۇلتتىق پورتالى
