Búgin, 19 maýsymda prezıdent Qasym-Jomart Toqaev sý tasqynymen kúreske belsene atsalysqan azamattardy marapattady. Olardyń arasynda Qostanaı oblysy «Zatobolsk OEK» MQK sýmen qamtý ehynyń jóndeýshisi Marat Satybaldın de bar, dep habarlaıdy «Adyrna» tilshisi.
Marat Sultanuly sý tasqyny kezinde sý basý qaýpi bar jerlerde táýlik boıy kezekshilik atqaryp, adamdardy evakýaııalaýǵa kómektesti. Osylaısha kóptegen jerlesteriniń ómiri men múlkin saqtap qaldy. Ol «Adyrna» tilshisine bergen suqbatynda bul salaǵa kezdeısoq kelmegenin jetkizdi.
«Qazirgi tańda sýmen qamtý ehynda jumys isteımin. Bul salaǵa kelýim kezdeısoq emes, oǵan jaqyn dosym túrtki boldy. Burynnan ınjenerııaǵa degen qyzyǵýshylyq tanyttym. Arman qýyp, kolledjde ınjener mamandyǵyn oqydym. Súıtip osy salada jumys isteýge bel býdym. Dál osy mamandyqty tańdaǵanyma ókingen emespin. Búgin, mine, 12 jylǵa jýyq eńbek ótili bar mamanmyn»,—deıdi Marat Sultanuly.
Onyń Tobyl qalasyndaǵy bóget pen Altynsarın, Mıchýrın aýyldaryna qum bógetterin salýǵa da qosqan úlesi ushan-teńiz. Marat Satybaldın bul jumystarǵa ózi qatysyp qana qoımaı, óziniń er azamat áriptesteriniń de jumysyn uıymdastyrdy. Bul árbir mınýt sanaýly bolǵan eldi mekenderdi sý basýynan qorǵaý proesin aıtarlyqtaı jedeldetýge múmkindik berdi.
«Sý tasqyny kezinde táýlik boıy kezekshilik atqardyq. Ahýal aýyr edi, kóptegen úı sý astynda qaldy, al halyq úreılendi. Kóptegen qıynshylyqpen betpe-bet keldik, ásirese sý tasqynynan zardap shekkenderge kómek kórsetý, sýmen qamtamasyz etý jáne qaýipsizdikti qamtamasyz etý sııaqty máseleler sheshilýi qajet boldy. Biraq biz bar kúshimizdi salyp, jaǵdaıdy baqylaýǵa alýǵa tyrystyq»,—deıdi ol.
Marat Satybaldın – jerlesterine, ásirese, qıyn jaǵdaıda kómekke kelýge daıyn turatyn sanaly azamattyń jarqyn úlgisi.
«Prezıdent Qasym-Jomart Toqaevtan marapat alý men úshin úlken mártebe jáne qýanysh boldy. Bul meniń eńbegimniń joǵary baǵalanýy jáne sol ýaqytta meni qoldaǵan barlyq áriptesterimniń eńbeginiń de baǵalanýy dep esepteımin. Sol sátte úlken maqtanysh sezimde boldym jáne bul meni odan ári jaqsy jumys isteýge yntalandyrdy»,—dep sózin túıindedi eh jóndeýshi.
Aıta keteıik, bıyl el kóleminde 19 myńnan astam turǵyn úıdi sý basqan edi.
Topan sýmen kúreske kúshtik qurylymdardyń 63 myńnan astam qyzmetkeri atsalysty. Qutqarý operaııasy barysynda 120 myńnan astam adam, onyń ishinde 40 myń bala qaýipsiz jerge kóshirildi.
Dıana ASAN,
«Adyrna» ulttyq portaly
