مەملەكەتتىك رامىزدەرگە قاتىستى ەستافەتا مەن ۆيكتورينا جوعارعى دەڭگەيدە ءوتتى

158

«مەملەكەتتىك رامىزدەر – بۇل ءبىزدىڭ مەملەكەتىمىزدىڭ، ءبىزدىڭ ەگەمەندىگىمىزدىڭ بەرىك نەگىزىنىڭ ءبىرى. ولار تاۋەلسىزدىكتىڭ قاسيەتتى بىرىكتىرۋشى وبرازىن بىلدىرەدى» دەپ تۇڭعىش پرەزيدەنت نۇرسۇلتان نازارباەۆ ايتقانداي رامىزدەردىڭ ادام ومىرىندە الاتىن ورنى زور.


سوعان وراي شىلدە ايىندا مەملەكەتتىك رامىزدەردى قۇرمەتتەۋ ماقساتىندا «ادىرنا» ۇلتتىق-ەتنوگرافيالىق بىرلەستىگىنىڭ ۇيىتقى بولۋىمەن «مەملەكەتتىك رامىزدەردىڭ بىرىمەن تۇسكەن فوتوسۋرەتتەر» ەستافەتاسى رەسپۋبليكالىق دەڭگەيدە ءوتتى. ەستافەتاعا كارى-جاس دەمەي، بۇكىل قازاق ەلىنىڭ ۇلتجاندى ازاماتتارى مەن ازاماتشالارى بەلسەنە قاتىستى. ەستافەتا شىلدە ايىنىڭ 2-جۇلدىزىنان باستاپ، 21-نە دەيىن جالعاستى. ەستافەتا «ۆكونتاكتە»، «فەيسبۋك»، «ينستاگرام» الەۋمەتتىك جەلىلەرىندە، «Whatsapp» مەسسەندجەرىندە جۇزەگە استى. اتالعان الەۋمەتتىك جەلىلەردە قاتىسۋشىلار مەملەكەتتىك رامىزدەرمەن تۇسكەن فوتوسۋرەتتەرىن جاريالاپ، استىنا قۇندى جازبالارىن جازدى.


ال مەملەكەتتىك رامىزدەر تۋرالى قانشالىقتى بىلەمىز؟ ونىڭ ۇستىنە ول تۋرالى ءبىلىمىمىز ساپالى ما؟ مىسالى ءسىزدىڭ ويىڭىزشا ەلتاڭباداعى شۇعىلالى كۇندەگى ۋىقتاردىڭ سانى قانشا؟ ال تۋدىڭ ەنى مەن ۇزىندىعىنىڭ اراقاتىناسى قانداي بولۋ كەرەك؟ «مەنىڭ قازاقستانىم» ءانى جارىققا شىققاننان كەيىن، نەشە جىلدان سوڭ مەملەكەتتىك گيمنگە اينالدى؟ بىلمەسەڭىز، ءبىز وسى سۇراقتاردى الەۋمەتتىك جەلىدە ۇيىمداستىرىلعان ۆيكتورينالىق سۇراقتاردىڭ قاتارىنا ەنگىزدىك. ەستافەتانىڭ ارتىن سۋىتپاي، مەملەكەتتىك رامىزدەرگە قاتىستى 12 ۆيكتورينالىق سۇراقتار لەگى قويىلدى. فەيسبۋك، ينستاگرامم، ۆكونتاكتە الەۋمەتتىك جەلىلەرىندە، ۆاتساپ مەسسەندجەرىندە قويىلعان سۇراقتارعا قاتىسۋشىلار بەلسەندىلىكپەن جاۋاپ بەردى.

 

اقگۇل ايداربەكوۆا

"ادىرنا" ۇلتتىق پورتالى

پىكىرلەر