بالا قۇقىقتارى جونىندەگى ۋاكىل زاكيەۆا پرەزيدەنتكە ءبىر جىل ىشىندە بالالاردىڭ قۇقىقتارىن قورعاۋ جانە قاۋىپسىزدىگىن قامتاماسىز ەتۋ ماقساتىندا اتقارىلعان جۇمىستار جونىندە ەسەپ بەردى، دەپ حابارلايدى "ادىرنا" ۇلتتىق پورتالى اقورداعا سىلتەپ.
پرەزيدەنت قاسىم-جومارت توقاەۆ ايەلدەر مەن بالالاردىڭ قۇقىقتارىن قورعاۋ باعىتىندا قابىلدانعان زاڭنامالىق وزگەرىستەردىڭ ناتيجەسىندە تۇرمىستىق زورلىق-زومبىلىقتىڭ الدىن الۋ شارالارى كۇشەيتىلگەنىن اتاپ، زورلىقتىڭ كەز كەلگەن تۇرىنە جازا قاتاڭداتىلعانىن ايتتى.
بالا قۇقىقتارى جونىندەگى ۋاكىل دينارا زاكيەۆا زاڭناماعا قاتىستى قانداي جۇمىستاردىڭ اتقارىلىپ جاتقانىن حابارلادى.
«111» بىرىڭعاي بايلانىس جۇيەسى ىسكە قوسىلدى. سونداي-اق مەكتەپتەردە بۋللينگپەن كۇرەسۋ ءۇشىن كiVa باعدارلاماسى جانە 2024 جىلدىڭ قىركۇيەك ايىنان باستاپ قاۋىپسىزدىك ساباقتارى ەنگىزىلەدى»، — دەدى زاكيەۆا.
بۇگىندە «سامۇرىق-قازىنا» ۇلتتىق ءال-اۋقات قورىمەن، سونداي-اق «قازاقستان حالقىنا» جانە «قامقورلىق» قورلارىمەن سەرىكتەستىك نەگىزدە6 اۋتيزم ورتالىعى، 11 وڭىرلىك وڭالتۋ ورتالىعى اشىلعان.
بالا قۇقىقتارى جونىندەگى ۋاكىلدىڭ ەسەبىن تىڭداعان سوڭ پرەزيدەنت:
«وسىعان بايلانىستى قاسىم-جومارت توقاەۆ تۇركىستاندا وتكەن ۇلتتىق قۇرىلتايدىڭ ەكىنشى وتىرىسىندا بەرگەن تاپسىرماسىنا سايكەس ءبىرتۇتاس تاربيە باعدارلاماسى ازىرلەنگەنىن ەسكە سالدى. اتالعان باعدارلاما وسكەلەڭ ۇرپاقتىڭ بويىنا ادامي جانە ۇلتتىق قۇندىلىقتاردى ءسىڭىرىپ، ولاردىڭ شىعارماشىلىق قابىلەتىن شىڭداۋدى، ءوز بەتىنشە ارەكەت ەتۋ جانە كرەاتيۆتى ويلاۋ داعدىلارىن دامىتۋدى كوزدەيدى. دينارا زاكيەۆاعا وسى باعدارلامانى جۇزەگە اسىرۋ ءۇشىن پەداگوگتەر مەن اتا-انالاردىڭ اراسىنداعى جۇمىستى ۇيلەستىرۋ مىندەتى جۇكتەلدى»، — دەلىنگەن حابارلامادا.
