Bala quqyqtary jónindegi ýákil Zákıeva Prezıdentke bir jyl ishinde balalardyń quqyqtaryn qorǵaý jáne qaýipsizdigin qamtamasyz etý maqsatynda atqarylǵan jumystar jóninde esep berdi, dep habarlaıdy "Adyrna" ulttyq portaly Aqordaǵa siltep.
Prezıdent Qasym-Jomart Toqaev áıelder men balalardyń quqyqtaryn qorǵaý baǵytynda qabyldanǵan zańnamalyq ózgeristerdiń nátıjesinde turmystyq zorlyq-zombylyqtyń aldyn alý sharalary kúsheıtilgenin atap, zorlyqtyń kez kelgen túrine jaza qatańdatylǵanyn aıtty.
Bala quqyqtary jónindegi ýákil Dınara Zákıeva zańnamaǵa qatysty qandaı jumystardyń atqarylyp jatqanyn habarlady.
«111» biryńǵaı baılanys júıesi iske qosyldy. Sondaı-aq mektepterde býllıngpen kúresý úshin KiVa baǵdarlamasy jáne 2024 jyldyń qyrkúıek aıynan bastap qaýipsizdik sabaqtary engiziledi», — dedi Zákıeva.
Búginde «Samuryq-Qazyna» ulttyq ál-aýqat qorymen, sondaı-aq «Qazaqstan halqyna» jáne «Qamqorlyq» qorlarymen seriktestik negizde6 aýtızm ortalyǵy, 11 óńirlik ońaltý ortalyǵy ashylǵan.
Bala quqyqtary jónindegi ýákildiń esebin tyńdaǵan soń Prezıdent:
«Osyǵan baılanysty Qasym-Jomart Toqaev Túrkistanda ótken Ulttyq quryltaıdyń ekinshi otyrysynda bergen tapsyrmasyna sáıkes Birtutas tárbıe baǵdarlamasy ázirlengenin eske saldy. Atalǵan baǵdarlama óskeleń urpaqtyń boıyna adamı jáne ulttyq qundylyqtardy sińirip, olardyń shyǵarmashylyq qabiletin shyńdaýdy, óz betinshe áreket etý jáne kreatıvti oılaý daǵdylaryn damytýdy kózdeıdi. Dınara Zákıevaǵa osy baǵdarlamany júzege asyrý úshin pedagogter men ata-analardyń arasyndaǵy jumysty úılestirý mindeti júkteldi», — delingen habarlamada.
