مەملەكەتتىك سۋبسيديالاۋدى ازايتۋ ءۇشىن پويىز بيلەتتەرىنىڭ قۇنى ءۇش ەسەگە قىمباتتاۋى كەرەك، دەپ حابارلايدى “ادىرنا” ۇلتتىق پورتالى كولىك ءمينيسترى مارات قاراباەۆتىڭ سوزىنە سىلتەپ.
كولىك ءمينيسترى مارات قاراباەۆ مەملەكەتتىك سۋبسيديالاۋدى ازايتۋ ءۇشىن بيلەت باعاسىن كوتەرۋ قاجەت ەكەندىگىن اتاپ ءوتتى.
«قتج بيلەتتەرىنىڭ قۇنىن كوتەرگەن جوق. الايدا جولاۋشىلار تاسىمالىنىڭ شىعىنى ونىڭ كىرىسىنە ساي بولماعاندىقتان، مەملەكەت ەسەبىنەن 23 ملرد تەڭگە سۋبسيديالايدى. مەملەكەتتىك سۋبسيديالاۋ بۇل تاعى دا سالىق تولەۋشىلەردىڭ اقشاسى. سوندىقتان سۋبسيديالاناتىن بولىكتى تومەندەتۋ ءۇشىن بيلەتتەردىڭ قۇنىن ارتتىرۋ ماسەلەسىن قاراستىرۋعا بولادى»، – دەدى مينيستر.
سۋبسيديا قۇنى وتەلۋ ءۇشىن بيلەتتەر قۇنى ءۇش ەسە قىمباتتاۋى كەرەك.
2023 جىلى قتج ۇلتتىق وپەراتورى 329 ملرد تەڭگە شىعىنعا ۇشىراعان. سونىڭ ىشىندە تاۋ-كەن سالاسىنىڭ جۇكتەرىن تاسۋدان كەلگەن شىعىن 172 ملرد تەڭگەنى قۇراعان.
«بيلەت قۇنىن كوتەرۋ قازىرگى تاڭدا قاراستىرىلىپ جاتقان جوق»، - دەپ اتاپ ءوتتى كولىك مينيسترلىگىنىڭ باسشىسى.
