Мемлекеттік субсидиялауды азайту үшін пойыз билеттерінің құны үш есеге қымбаттауы керек, деп хабарлайды “Адырна” ұлттық порталы көлік министрі Марат Қарабаевтың сөзіне сілтеп.
Көлік министрі Марат Қарабаев мемлекеттік субсидиялауды азайту үшін билет бағасын көтеру қажет екендігін атап өтті.
«ҚТЖ билеттерінің құнын көтерген жоқ. Алайда жолаушылар тасымалының шығыны оның кірісіне сай болмағандықтан, мемлекет есебінен 23 млрд теңге субсидиялайды. Мемлекеттік субсидиялау бұл тағы да салық төлеушілердің ақшасы. Сондықтан субсидияланатын бөлікті төмендету үшін билеттердің құнын арттыру мәселесін қарастыруға болады», – деді министр.
Субсидия құны өтелу үшін билеттер құны үш есе қымбаттауы керек.
2023 жылы ҚТЖ ұлттық операторы 329 млрд теңге шығынға ұшыраған. Соның ішінде тау-кен саласының жүктерін тасудан келген шығын 172 млрд теңгені құраған.
«Билет құнын көтеру қазіргі таңда қарастырылып жатқан жоқ», - деп атап өтті Көлік министрлігінің басшысы.
