جاقىندا «ادىرنا» ۇلتتىق-ەتنوگرافيالىق بىرلەستىگى الماتى قالاسىنىڭ ىشكى ساياسات باسقارماسىنىڭ قولداۋىمەن ىسكە اسىرىلىپ جاتقان «ازاماتتىق بورىش» جوباسى اياسىندا قالالىق مەملەكەتتىك مۇراعاتىندا اۋعان سوعىسى ارداگەرى بولات قۇرامىسوۆپەن «مەن كورگەن سوعىس» اتتى تاقىرىپتا كەزدەسۋ وتكىزدى. بۇل جيىنعا مۇراعاتتىڭ قىزمەتكەرلەرى جانە باسقا دا قوناقتار قاتىستى.
مۇراعات ديرەكتورىنىڭ ورىنباسارى يسالوۆا ايسۇلۋ مادەشقىزى جيىندى اشار الدىنداعى سوزىندە وتاندى قورعاۋ ءار ازاماتتىڭ بورىشى ەكەنى تۋرالى كەڭىنەن اڭگىمەلەپ ءوتتى. «ازاماتتىق بورىش» جوباسىنىڭ جەتەكشىسى جاندوس ناۋرىزوۆ اۋعان سوعىسى تۋرالى بايانداما جاساپ، سوعىس تۋرالى كوپتەگەن مالىمەتتەر كەلتىردى. سودان سوڭ وسى كەزدەسۋگە ارنايى دايىندالعان سوعىس كەزىندە تۇسىرىلگەن فوتوسۋرەتتەر جينالعان سلايد-شوۋ كورسەتىلدى. سلايد-شوۋدىڭ مازمۇنى اۋقىمدى بولعاندىقتان كەزدەسۋگە قاتىسىپ وتىرعان قاتىسۋشىلاردىڭ قىزىقشىلىعىن تۋعىزدى. كەلەسى كەزەكتە ءسوز ءىس-شارانىڭ قوناعى اۋعان سوعىسىنىڭ ارداگەرى بولات قۇرامىسوۆقا بەرىلدى. اۋعان سوعىسىنىڭ ارداگەرى، كوپتەگەن مەدالدەردىڭ يەگەرى بولات انۋاربەكۇلى ءوزىنىڭ ءومىر جولىنا قىسقاشا توقتالىپ، نەگە اسكەري ماماندىق تاڭداعانىن، قالاي اۋعان سوعىسىنا بارعانىن قىزعىلىقتى ەتىپ كەڭىنەن باياندادى.
بولات قۇرامىسوۆ اۋعان سوعىسىندا ۇلكەن اسكەري اۋەجايدا قىزمەت ەتكەن. كوپتەگەن قارۋ-جاراق، ەمدەۋ اپپاراتتارى مەن دارىلەر جانە باسقا دا جۇكتەردى قابىلداۋ، ۇشاقتاردى ءاردايىم دايىندىقتا ۇستاۋ ۇلكەن جاۋاپكەرشىلىكتى تالاپ ەتەتىن جۇمىس. بولات انۋاربەكۇلى سوعىستا بولاتىن قاۋىپتى جانە قيىن جاعدايلار تۋرالى دا ەستەلىكتەرىمەن ءبولىستى. اسىرەسە سوعىس ارداگەرىنىڭ قازا تاپقانداردى ۇشاقپەن جونەلتۋ تۋرالى ايتقاندارى قاتىسۋشىلارعا قاتتى اسەر ەتتى. جيىنعا قاتىسۋشىلار ادارگەرگە كوپتەگەن سۇراقتار قويدى. بولات اناۋبەكۇلى بارلىق سۇراقتاردى مۇقيات تىڭداپ تولىق جاۋاپ بەرىپ وتىردى.
اڭگىمە اۋعانستانداعى ءدىني تەرروريستىك قوزعالىستار تۋرالى ءوربىدى. بولات قۇرامىسوۆ پەن «ادىرنا» بىرلەستىگىنىڭ باسشىسى ارمان اۋباكىر بۇل ماسەلە جونىندە وزدەرىنىڭ ويلارىن ورتاعا سالدى. مۇراعات قىزمەتكەرى يماشوۆا اقبوپە يماشقىزى جانە باسقا دا قاتىسۋشىلار وسى وزەكتى ماسەلە بويىنشا ءوز پىكىرلەرىمەن ءبولىستى.
وسى ءبىر قىزعىلىقتى دا تانىمدىق پايداسى مول ءىس-شارانى جوبا جەتەكشىسى جاندوس ناۋرىزوۆ قورىتىندىلاپ، سوعىس ارداگەرى ب.قۇرامىسوۆقا، مۇراعاتتىڭ قىزمەتكەرلەرىنە جيىنعا قاتىسىپ، ونىڭ جاقسى وتۋىنە اتسالىسقاندارى ءۇشىن العىسىن ءبىلدىردى. جيىننىڭ اياعىندا مۇراعات قىزمەتكەرلەرى ءىس-شارانىڭ قوناعى، اۋعان سوعىسىنىڭ ارداگەرى بولات قۇرامىسوۆپەن ەستەلىك فوتوعا ءتۇستى.
