Memlekettik sýbsıdııalaýdy azaıtý úshin poıyz bıletteriniń quny úsh esege qymbattaýy kerek, dep habarlaıdy “Adyrna” ulttyq portaly kólik mınıstri Marat Qarabaevtyń sózine siltep.
Kólik mınıstri Marat Qarabaev memlekettik sýbsıdııalaýdy azaıtý úshin bılet baǵasyn kóterý qajet ekendigin atap ótti.
«QTJ bıletteriniń qunyn kótergen joq. Alaıda jolaýshylar tasymalynyń shyǵyny onyń kirisine saı bolmaǵandyqtan, memleket esebinen 23 mlrd teńge sýbsıdııalaıdy. Memlekettik sýbsıdııalaý bul taǵy da salyq tóleýshilerdiń aqshasy. Sondyqtan sýbsıdııalanatyn bólikti tómendetý úshin bıletterdiń qunyn arttyrý máselesin qarastyrýǵa bolady», – dedi mınıstr.
Sýbsıdııa quny ótelý úshin bıletter quny úsh ese qymbattaýy kerek.
2023 jyly QTJ ulttyq operatory 329 mlrd teńge shyǵynǵa ushyraǵan. Sonyń ishinde taý-ken salasynyń júkterin tasýdan kelgen shyǵyn 172 mlrd teńgeni quraǵan.
«Bılet qunyn kóterý qazirgi tańda qarastyrylyp jatqan joq», - dep atap ótti Kólik mınıstrliginiń basshysy.
