الماتىدا كوپقاباتتى ءۇيدىڭ جەرتولەسىندە ەسىرتكى وسىرگەن تۇرعىن انىقتالدى

2751
Adyrna.kz Telegram

الماتىدا كوپقاباتتى ءۇيدىڭ جەرتولەسىندە ەسىرتكى وسىرگەن تۇرعىن انىقتالدى، دەپ حابارلايدى "ادىرنا" ۇلتتىق پورتالىنىڭ ءتىلشىسى.

الماتى قالاسى پوليتسيا دەپارتامەنتىنىڭ ءباسپاسوز قىزمەتىنەن تۇسكەن رەسمي مالىمەتكە سۇيەنسەك، 45 جاستاعى ەر ادام دوستىق كوشەسىندە ورنالاسقان تۇرعىن ءۇيدىڭ جەرتولەسىندە ماريحۋانا وسىرگەن.

«ت. ەسىمدى ەر ادام ماريحۋانا ءوسىپ تۇرعان ىدىستى فولگا مەن ۋلتراكۇلگىن ساۋلەسى مەن جابدىقتالعان بۇرىشقا قويعان. كۇدىكتىنىڭ ايتۋىنشا، ول وسى ۋاقىتقا دەيىن وسىلاي تاجىريبە جاساعان. ەگەر ءساتتى بولسا، ول بۇل قىلمىستىق بيزنەستى جانداندىرۋدى جوسپارلاعان. بىراق بۇل ويى جۇزەگە اسپادى. ونىڭ زاڭسىز ارەكەتتەرى توقتاتىلدى. بۇل فاكت قر قك-ءنىڭ 300-بابى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى. تەرگەۋ توبى زاتتاي ايعاقتاردى تاركىلەدى جانە ساراپتاماعا جىبەردى»، – دەيدى مەدەۋ اۋداندىق پب باستىعىنىڭ ورىنباسارى ەلنۇر قۇدراتباەۆ.

سونىمەن قاتار، كۇدىكتىنىڭ بۇرىن مۇلىكتىك جانە ەسىرتكى قىلمىستارى ءۇشىن جاۋاپقا تارتىلعانى انىقتالدى.

"ادىرنا" ۇلتتىق پورتالى

پىكىرلەر