ءبىر كۇنى استاناداعى «ارتەم» بازارىنىڭ ماڭىندا ءۇش بىردەي جاپ-جاس شولاق بالاقتى، مۇرتسىز ساقالدى جىگىتتەر اكەسىندەي ءبىر كىسىنى ورتاعا الىپ، جاعاسىنان ۇستاپ، بوقتاپ جاتىر ەكەن.
“ويباي، مىنالار نە ىستەپ جاتىر!”- دەپ جاندارىنا بارا جاتىر ەدىم، ەلۋلەردەگى ايەل قولىمنان ۇستاپ الدى دا ارتقا تارتتى. “بۇلار مىنا كىسىنىڭ تەلەفونىن تارتىپ العان، بەرمەي تۇر، سەن ارالاسپا،”- دەدى. “قالاي ارالاسپايمىن. بۇل قىلمىس قوي،”- دەپ ەدىم، “ولار مەستنىي بانديتتەر، پوليتسيا تۇك تە قىلمايدى، بۇلاردى قارعاۋدان باسقا امال جوق. قۇداي جازاسىن بەرەدى ءالى،”- دەدى…
«ارتەم» جاقتا ىعى-جىعى حالىق، كوبى ەركەك.
ءبىزدى قويشى، بىردە-ءبىر ەركەكتىڭ ارالاسپاعانىنا، اعانى اراشالاپ الماعانىنا وكىندىم…
جاستاۋ كەزىمدە قازمۋ جاقتا بەس جىگىتتىڭ سوققىسىنان ءبىر جاس بالانى اراشالاپ العانمىن. ال وتباسىلى بولعاسىن بۇرىنعىداي باتىل بولا المايدى ەكەنسىڭ… امال جوق، جۇرەگىمىز قانجىلاپ كەتە باردىق.
قايتاردا تاكسي ۇستادىم. ەر ازاماتتىڭ اتى جازىلعانداي ەدى – قىزبالا كەلدى. “تاتە، وتىرىڭىز، بۇل – مەنىڭ اكەمنىڭ اتى. تاكسيدە قىزدارعا كوپ تيىسەدى عوي، مىنە، اياعىمنىڭ استىندا بيتا تۇر، ساقالدى شالدار تيىسسە، بيتامەن ۇرام،”- دەدى.
ءبىر كۇندە وسىنشاما اۋىر كەيس كوردىك.
ءبىز وسى قانشالىقتى قاۋىپسىز ەلدە تۇرامىز؟
بىزدە ءتىپتى مانەرلەپ سىرعاناۋدان شىققان جالعىز الەم چەمپيونىن وسىنداي راديكال ءولتىرىپ كەتپەپ پە ەدى؟ جالپى دەسترۋكتيۆتى اعىمدارعا تويتارىس بەرىلە مە؟ الدە تاپا تالتۇستە “كولىگىمدى سىرىپ كەتتىڭ” دەپ اكەسىندەي ادامدى ءولتىرىپ جۇرە بەرە مە؟ جانى ءجانناتتا بولسىن! ەڭ وكىنىشتىسى، ەرتەڭ وسىنداي ءبىر راديكال تۇرمەگە بارىپ، ءوز يدەولوگياسىن ۇرىلار، ابيۋزەرلەر، جەمقورلار اراسىندا جايىپ، ءجۇز راديكالدى شىعارادى عوي… ەلىمىزدىڭ بولاشاعى بار ما وسى؟ قاشان قاتاڭ زاڭ قابىلدانادى؟ مۇنداي زاڭ قابىلداعان وزبەكستان ورتالىق ازيانىڭ نورۆەگياسى بولادى ءالى، ال قازاقستان ەكىنشى اۋعانستان بولماسىن دەپ تىلەۋدەن، راديكالداردى قارعاۋدان باسقا امال جوق بىزدە…
Kamshat Tasbolat
