Bir kúni Astanadaǵy «Artem» bazarynyń mańynda úsh birdeı jap-jas sholaq balaqty, murtsyz saqaldy jigitter ákesindeı bir kisini ortaǵa alyp, jaǵasynan ustap, boqtap jatyr eken.
“Oıbaı, mynalar ne istep jatyr!”- dep jandaryna bara jatyr edim, elýlerdegi áıel qolymnan ustap aldy da artqa tartty. “Bular myna kisiniń telefonyn tartyp alǵan, bermeı tur, sen aralaspa,”- dedi. “Qalaı aralaspaımyn. Bul qylmys qoı,”- dep edim, “Olar mestnyı bandıtter, polıııa túk te qylmaıdy, bulardy qarǵaýdan basqa amal joq. Qudaı jazasyn beredi áli,”- dedi…
«Artem» jaqta yǵy-jyǵy halyq, kóbi erkek.
Bizdi qoıshy, birde-bir erkektiń aralaspaǵanyna, aǵany arashalap almaǵanyna ókindim…
Jastaý kezimde QazMÝ jaqta bes jigittiń soqqysynan bir jas balany arashalap alǵanmyn. Al otbasyly bolǵasyn burynǵydaı batyl bola almaıdy ekensiń… Amal joq, júregimiz qanjylap kete bardyq.
Qaıtarda taksı ustadym. Er azamattyń aty jazylǵandaı edi – qyzbala keldi. “Táte, otyryńyz, bul – meniń ákemniń aty. Taksıde qyzdarǵa kóp tıisedi ǵoı, mine, aıaǵymnyń astynda bıta tur, saqaldy shaldar tıisse, bıtamen uram,”- dedi.
Bir kúnde osynshama aýyr keıs kórdik.
Biz osy qanshalyqty qaýipsiz elde turamyz?
Bizde tipti mánerlep syrǵanaýdan shyqqan jalǵyz álem chempıonyn osyndaı radıkal óltirip ketpep pe edi? Jalpy destrýktıvti aǵymdarǵa toıtarys berile me? Álde tapa taltúste “kóligimdi syryp kettiń” dep ákesindeı adamdy óltirip júre bere me? Jany jánnatta bolsyn! Eń ókinishtisi, erteń osyndaı bir radıkal túrmege baryp, óz ıdeologııasyn urylar, abıýzerler, jemqorlar arasynda jaıyp, júz radıkaldy shyǵarady ǵoı… Elimizdiń bolashaǵy bar ma osy? Qashan qatań zań qabyldanady? Mundaı zań qabyldaǵan Ózbekstan Ortalyq Azııanyń Norvegııasy bolady áli, al Qazaqstan ekinshi Aýǵanstan bolmasyn dep tileýden, radıkaldardy qarǵaýdan basqa amal joq bizde…
Kamshat Tasbolat
