الماتى وبلىسىنداعى تاس جولدا جەڭىل كولىك اۋدارىلىپ، ءتورت ادام قازا تاپتى، دەپ حابارلايدى “ادىرنا” ۇلتتىق پورتالى پوليتسيا دەپارتامەنتىنىڭ ءباسپاسوز قىزمەتىنە سىلتەپ.
«12 ماۋسىمدا «الماتى-شەلەك-قورعاس» تاس جولىنىڭ 105-ءشى شاقىرىمىندا ادام ولىمىمەن اياقتالعان جول-كولىك وقيعاسى بولدى»، - دەلىنگەن حابارلامادا.
Toyota Hiace جۇرگىزۋشىسى ءرۋلدى باسقارا الماي، كولىك اۋدارىلىپ كەتكەن.
«ناتيجەسىندە ءتورت جولاۋشى العان جاراقاتتارىنان وقيعا ورنىندا كوز جۇمدى. ءتۇرلى جاراقات العان جۇرگىزۋشى مەن ەكى جولاۋشى شەلەك اۋىلىنداعى اۋرۋحاناعا جاتقىزىلدى»، - دەپ حابارلادى پوليتسياداعىلار.
اتالعان فاكتى بويىنشا قىلمىستىق ءىس قوزعالىپ، قاجەتتى ساراپتامالار تاعايىندالدى.
