الماتى وبلىسىندا وقۋشىلاردى الىپ كەلە جاتقان اۆتوبۋس جەڭىل اۆتوكولىكپەن سوقتىعىستى. بۇل تۋرالى الماتى وبلىستىق پوليتسيا دەپارتامەنتى مالىمدەدى، دەپ حابارلايدى “ادىرنا”.
جول-كولىك وقيعاسى “سوكول” ساياجاي قوعامى اۋماعىندا وقۋشىلاردى تاسىمالداپ بارا جاتقان جولاۋشىلار اۆتوبۋسى مەن Hyundai Accent اۆتوكولىگىنىڭ قاتىسۋىمەن بولعان.
جول-كولىك وقيعاسى بويىنشا قىلمىستىق ءىس قوزعالدى.
«جول اپاتى سالدارىنان جەڭىل اۆتوكولىكتىڭ جۇرگىزۋشىسى وقيعا ورنىندا قازا تاپتى، ال جولاۋشىسى مەديتسينالىق مەكەمەدە كوز جۇمدى. باسقا زارداپ شەككەندەر جوق. الدىن الا دەرەكتەر بويىنشا، Hyundai Accent جۇرگىزۋشىسى بۇرىلىس جاساۋ كەزىندە جول بەرمەي، اۆتوبۋسپەن سوقتىعىسقان»، – دەپ حابارلادى الماتى وبلىستىق پد.
قازىرگى ۋاقىتتا وقيعانىڭ بارلىق ءمان-جايىن انىقتاۋعا باعىتتالعان كەشەندى تەرگەۋ شارالارى جۇرگىزىلۋدە. جول-كولىك وقيعاسىن تەرگەۋ الماتى وبلىستىق پوليتسيا دەپارتامەنتى باسشىلىعىنىڭ باقىلاۋىنا الىندى.
ەسكە سالايىق، 11 قىركۇيەكتە ماڭعىستاۋ وبلىسىندا جول اپاتىنان 10 ادام قايتىس بولعان ەدى.
