Almaty oblysyndaǵy tas jolda jeńil kólik aýdarylyp, tórt adam qaza tapty, dep habarlaıdy “Adyrna” ulttyq portaly polıııa departamentiniń baspasóz qyzmetine siltep.
«12 maýsymda «Almaty-Shelek-Qorǵas» tas jolynyń 105-shi shaqyrymynda adam ólimimen aıaqtalǵan jol-kólik oqıǵasy boldy», - delingen habarlamada.
Toyota Hiace júrgizýshisi rýldi basqara almaı, kólik aýdarylyp ketken.
«Nátıjesinde tórt jolaýshy alǵan jaraqattarynan oqıǵa ornynda kóz jumdy. Túrli jaraqat alǵan júrgizýshi men eki jolaýshy Shelek aýylyndaǵy aýrýhanaǵa jatqyzyldy», - dep habarlady polıııadaǵylar.
Atalǵan fakti boıynsha qylmystyq is qozǵalyp, qajetti saraptamalar taǵaıyndaldy.
