اۋعان قازاقتارى تۋرالى دەرەكتى فيلم شىقتى، دەپ حابارلايدى "ادىرنا" ۇلتتىق پورتالى.
بۇل تۋرالى "جالعىز جولاۋشى" يۋتۋب-ارناسىنداعى ارنايى ماتەريالدا باياندالعان.
بۇگىندە اۋعانستاندا ءۇش ءجۇزدىڭ قازاقتارى بار. جۇرگىزۋشى سانات ءىلياس اۋعانستانعا ارنايى ساپارلاتىپ، قازاق اۋىلىنا بارعان. ونداعى قازاقتاردىڭ بۋىنى ءوز ۇلتىن، ءتىلىن ۇمىتا باستاعان. مەكتەپتە ءبىلىم الماي، ساقال ءوسىرىپ، تەزەك تەرىپ، جامالعان كيىز ۇيدە ءومىر سۇرگەن قانداستاردىڭ تۇرمىس-تىرشىلىگى تومەن ەكەنىن بايقاۋعا بولادى.
"مەن اۋعانستاندامىن. بۇل ەلدە ءۇش ءجۇزدىڭ دە قازاقتارى بار ەكەن. ولاردىڭ باسىم بولىگى ءتىلىن ۇمىتپاعان. تاليبان بيلەيتىن مەملەكەتتە دومبىرا شەرتۋگە بولمايدى. ال ونداعى قازاقتاردىڭ جاعدايى ءتىپتى اۋىر. جارىق، سۋ، جىلۋ جوق", - دەپ جازدى سانات ءىلياس.
اۋعانستانداعى قازاقتاردىڭ ءبىرى "ساقال وسىرمەسەك، ناماز وقىماساق، ءبىزدى ۇرادى" دەپ پىكىر بىلدىرگەن. تابىن رۋىنان شىققان قازاق بالاسى "قۇران وقيمىن، مەكتەپكە بارمادىم. مەكتەپ جوق بىزدە" دەيدى.
ء"سۇت جوق، سيىرلار اشتىقتان تۋمادى. ەت جەمەيمىز. شوپتەر قۇرىپ قالعان. جەيتىن نارسە جوق. توعايداعى جىڭعىلدى جەيدى. سوعىستان امان قالدىق. بىراق اياعىنا وق تيگەن. اكەمىز، تۋىسقاندارىمىزدى اتىپ كەتكەن", - دەيدى ايدانا ەسىمدى اجەي.
