"Namaz oqymasaq, ūrady". Auǧan qazaqtarynyŋ bügıngı tūrmysy turaly derektı film şyqty

Auǧan qazaqtary turaly derektı film şyqty, dep habarlaidy "Adyrna" ūlttyq portaly. Būl turaly "Jalǧyz jolauşy" iutub-arnasyndaǧy arnaiy materialda baiandalǧan. Bügınde Auǧanstanda üş jüzdıŋ qazaqtary bar. Jürgızuşı Sanat Iliias Auǧanstanǧa arnaiy saparlatyp, qazaq auylyna barǧan. Ondaǧy qazaqtardyŋ buyny öz ūltyn, tılın ūmyta bastaǧan. Mektepte bılım almai, saqal ösırıp, tezek terıp, jamalǧan kiız üide ömır sürgen qandastardyŋ tūrmys-tırşılıgı tömen ekenın baiqauǧa bolady. "Men Auǧanstandamyn. Būl elde üş jüzdıŋ de qazaqtary bar eken. Olardyŋ basym bölıgı tılın ūmytpaǧan. Taliban bileitın memlekette dombyra şertuge bolmaidy. Al ondaǧy qazaqtardyŋ jaǧdaiy tıptı auyr. Jaryq, su, jylu joq", - dep jazdy Sanat Iliias. Auǧanstandaǧy qazaqtardyŋ bırı "Saqal ösırmesek, namaz oqymasaq, bızdı ūrady" dep pıkır bıldırgen. Tabyn ruynan şyqqan qazaq balasy "Qūran oqimyn, mektepke barmadym. Mektep joq bızde" deidı. "Süt joq, siyrlar aştyqtan tumady. Et jemeimız. Şöpter qūryp qalǧan. Jeitın närse joq. Toǧaidaǧy jyŋǧyldy jeidı. Soǧystan aman qaldyq. Bıraq aiaǧyna oq tigen. Äkemız, tuysqandarymyzdy atyp ketken", - deidı Aidana esımdı äjei. https://www.youtube.com/watch?v=JVueZfdi_a8