تالىبتەر اۋعانستاننىڭ وڭتۇستىگىندەگى گيلمەند پروۆينتسياسىندا ءساندى شاش ۇلگىلەرىن جاساتىپ، ساقالدارىن قىرۋعا تىيىم سالدى. بۇل تۋرالى تالىبتەردىڭ حاتىندا جازىلعان، دەپ حابارلايدى "ادىرنا" ۇلتتىق پورتالى.
مينيسترلىكتىڭ لاۋازىمدى تۇلعالارى لاشكارگاح قالاسىندا ەرلەر شاشتارازى وكىلدەرىمەن كەزدەسۋلەرىندە ءساندى شاش ۇلگىلەرىن جاساماۋعا جانە تۇرعىنداردىڭ ساقالدارىن قىرماۋعا كەڭەس بەردى.
ودان بولەك الەۋمەتتىك جەلىلەردە تارالعان قاۋلىدا شاشتاراز عيماراتتارىندا ءان جانە ءانۇران تىڭداماۋ جونىندە ەسكەرتۋ جاسالعان.
ايتا كەتەيىك، 15 تامىزدا تالىبتەر كابۋلدى باسىپ الىپ، سوعىستىڭ اياقتالعانىن مالىمدەگەن بولاتىن. تامىزدىڭ سوڭعى ەكى اپتاسىندا كابۋل اۋەجايىنان اۋعانستاندىقتاردى جاپپاي ەۆاكۋاتسيالاۋ باستالدى. قىركۇيەك ايىنىڭ باسىندا اۋعانستان ۇكىمەتىنىڭ ۋاقىتشا قۇرامى جاريالاندى. ونى موحامماد حاسان احۋند باسقاردى. تاليباننىڭ العاشقى باسشىلىعى كەزىندە ول ءسىم باسشىسى قىزمەتىن اتقارعان بولاتىن.
"ادىرنا" ۇلتتىق پورتالى
