مۇگەدەكتەر اراسىنداعى جۇزۋدەن ەل چەمپيونى كومەككە مۇقتاج، دەپ حابارلايدى "ادىرنا" ۇلتتىق پورتالى كتك تەلەارناسىنىڭ جاڭالىقتارىنا سىلتەپ.
پاراليمپيادالىق ويىنداردىڭ جۇلدەگەرى ميحايل مەلنيك سپورتتان قول ۇزگەن. سپورتشى ۇلتتىق قۇراما ساپىنان شىققان سوڭ سىياقى الماعان. سپورتشى ءۇشىنشى توپتاعى مۇگەدەكتىگىنە الاتىن زەينەتاقىسىنىڭ كۇنكورىسكە جەتپەيتىنىن مالىمدەگەن. ونىڭ ايلىق زەينەتاقىسى - ەلۋ مىڭ تەڭگە.
53 جاستاعى ميحايل مەلنيك ون جىل بۇرىن دەنساۋلىعىنان ايىرىلعان. قۇرىلىس الاڭىندا اياعىنا تاس پليتا قۇلاعان ازامات مۇگەدەكتەر اراسىنداعى جۇزۋدەن ەل چەمپيونى.
"قازىر الاتىن زەينەتاقىم ەشتەڭەگە جەتپەيدى. ازىق-تۇلىك السام، اي سايىنعى كوممۋنالدىق تولەمدەردى وتەي الماي وتىرامىن. ەلۋ مىڭ تەڭگەگە نە الامىن؟ ەڭ بولماعاندا، ەكىنشى توپقا اۋىستىرسا، جيىرما مىڭ تەڭگەگە زەينەتاقىم وسەر ەدى عوي", - دەيدى ميحايل مەلنيك.
سپورتشى سوڭعى ەكى جىلدا جاتتىعۋعا بارۋدى مۇلدەم قويىپ، جارىسقا دا شىقپاعان كورىنەدى.
"وسى ءبىرىنشى ورىن العانى ءۇشىن ول كىسىگە 40 ايلىق كورسەتكىش تاعايىندالدى 2021 جىلى. سول كەلەسى 2022 جىلعا دەيىن العان بولاتىن. ەندى ءار سپورتشى جاڭاعى ستيپەندياسىن جالعاستىرىپ الۋ ءۇشىن كەلەسى جىلعا دا ءوز ناتيجەسىن كورسەتۋ كەرەك. رەسپۋبليكالىق ورىندار الۋ كەرەك", - دەيدى مۇگەدەكتەرگە ارنالعان سپورت كلۋبىنىڭ ادىسكەرى نۇرسۇلتان ەلەۋ.
