اقتوبە وبلىسىندا 1 ناۋرىز كۇنى تاڭەرتەڭ بايعانين اۋداندىق ىشكى ىستەر ءبولىمىنىڭ اعا ينسپەكتورى ءادىل-قاھار قادىروۆ ورتەنىپ جاتقان ۇيدەن كورشىلەرىن امان الىپ قالدى، دەپ حابارلايدى "ادىرنا" ۇلتتىق پورتالى.
ايتۋلارىنشا، ەر ادام جۇمىسقا بارا جاتقاندا كورشى ءۇيدىڭ تۇتىندەپ جاتقانىن بايقاعان. پوليتسيا قىزمەتكەرى ويلانباستان ۇيگە كىرىپ، عيماراتتىڭ ورتەنىپ جاتقانىن كورەدى.
«ءادىل-قاھار ءۇي يەسىن ايعايلاپ وياتىپ، كامەلەتكە تولماعان ءۇش بالانى بىرىنەن سوڭ ءبىرىن كوتەرىپ شىعاردى. كىشى بەس جاسار بالانى كوتەرىپ شىعىپ بارا جاتقاندا ول ەسىن جوعالتىپ، قۇلاپ قالدى»، - دەدى پوليتسيا بولىمشەسىنەن.
وسى ۋاقىتتا وقيعا ورنىنا ءورت سوندىرۋشىلەر مەن جەدەل جاردەم قىزمەتكەرلەرى جەتىپ، زارداپ شەككەندەرگە ۇيدەن شىعۋعا كومەكتەستى.
«پوليتسەي ۋلانۋ سالدارىنان اۋرۋحاناعا جاتقىزىلدى. قازىر باتىل قادام جاساعان ءتارتىپ ساقشىسىنىڭ ءومىرى مەن دەنساۋلىعىنا ەشقانداۋ قاۋىپ ءتونىپ تۇرعان جوق»، - دەپ ءتۇسىندىردى دەپارتامەنتتىڭ ءباسپاسوز قىزمەتى.
