جەكسەنبى كۇنى گونكونگتا ون مىڭداعان ادام بيلىككە قارسى اكتسياعا شىعىپ، دەموكراتيالىق رەفورمانى تالاپ ەتتى دەپ حابارلايدى Reuters اگەنتتىگى. نارازىلار پوليتسيانىڭ كۇش قولدانۋىن دا زەرتتەۋ قاجەتتىگىن ايتقان.
ماۋسىم ايىندا پوليتسيا قىزمەتكەرلەرى ميتينگىگە شىققانداردى تاراتۋ ءۇشىن رەزەڭكە وق پەن كوزدەن جاس اعىزاتىن گاز قولدانعان. شىلدە ايىنىڭ ورتاسىندا دا شەرۋشىلەر مەن پوليتسيا اراسىندا قاقتىعىس بولىپ، 11 پوليتسەي زارداپ شەككەن.
گونگكونگتاعى نارازىلىق بيلىك ازاماتتاردى قىتايعا ەكستراديتسيالاۋ تۋرالى زاڭ جوباسىن قولعا العان كەزدە باستالعان. زاڭ جوباسىنا قارسى ازاماتتاردىڭ پىكىرىنشە، بۇل قۇجات ادىلەتسىز قۋدالانعان نەمەسە ساياسي ديسسيدەنتتەردى قىتاي سوتىنا تاپسىرۋ ءۇشىن قولدانىلۋى مۇمكىن. جاپپاي نارازىلىق شەرۋلەرىنەن كەيىن بيلىك زاڭ جوباسىنان باس تارتقان.
"ادىرنا" ۇلتتىق پورتالى
