الماتى پوليتسيا دەپارتامەنتى باستىعىنىڭ بۇرىنعى ورىنباسارى بەرىك ابىلبەكوۆ قازاقستاندا 2022 جىلعى قاڭتار وقيعاسى كەزىندە ازاپتاۋ دەرەگى بويىنشا ۇستالدى، دەپ حابارلايدى “ادىرنا” ۇلتتىق پورتالى. بۇل تۋرالى ەلىمىزدىڭ باس پروكۋراتۋراسى مالىمدەدى.
ۆەدومستۆودا بۇل ءىس الماتى وبلىسى، قاراساي اۋدانى، قوشمامبەت اۋىلىنداعى ارنايى تەرگەۋ يزولياتورىندا قاماۋدا وتىرعانداردى ازاپتاۋعا قاتىستى ەكەنىن ءتۇسىندىردى. پروكۋراتۋرا تەرگەۋدىڭ باسقا مالىمەتتەرىن جاريالامادى.
وتاندىق باق-تاردان ORDA.kz ابىلبەكوۆتىڭ ۇستالۋى قاڭتار وقيعاسى كەزىندە سوققىعا جىعىلعان قىرعىز دجازمەنى ۆيكرام رۋزاحۋنوۆتىڭ ازاپتاۋ ىسىنە بايلانىستى دەپ جازادى. بۇل تۋرالى باسىلىمعا مۋزىكانتتىڭ ادۆوكاتى رەنا كەريموۆا حابارلادى.
سونداي-اق Vlast.kz باسىلىمى بۇرىنعى پوليتسيا باستىعىنىڭ رۋزاحۋنوۆ ءىسى بويىنشا ۇستالعانىن جازدى. ىسكە دجازمەننەن بولەك، قوشمامبەت اۋىلىنداعى ارنايى اباقتىدا ازاپتاۋدان امان قالعان تاعى 22 جابىرلەنۋشى قاتىستى. ولاردىڭ اراسىندا وزبەكستان ازاماتتارى دا بار ەكەنىن «رەسپۋبليكا» باسىلىمى بۇعان دەيىن جازعان.
رۋزاحۋنوۆ سونىمەن قاتار، ءوزىن ازاپتاپ جاتىر دەپ ايىپتاعان تاراتىلعان بەينەجازبانى شىندىققا جاناسپايدى دەپ تانۋدى، ونى جوققا شىعارۋدى جانە رەسمي تۇردە كەشىرىم سۇراۋدى تالاپ ەتىپ، قر ىشكى ىستەر مينيسترلىگى مەن «قازاقستان» تەلەارناسىنىڭ ۇستىنەن ازاماتتىق ءىس قوزعادى. الايدا استانا سوتى بۇل تالاپتى قاناعاتتاندىرۋدان باس تارتتى.
ەسكە سالا كەتەيىك، بۇعان دەيىن قالالىق پوليتسيا دەپارتامەنتىنىڭ بۇرىنعى ورىنباسارى بەرىك ابىلبەكوۆ قاڭتار وقيعاسى كەزىندە ازاماتتاردى ازاپتاۋ دەرەگى بويىنشا ۇستالعانىن حابارلاعان بولاتىنبىز.
