Алматыда экс-полицей ұсталды, деп хабарлайды "Адырна" ұлттық порталы.
Бүгін қалалық полиция департаментінің бұрынғы орынбасары Берік Әбілбеков қаңтар оқиғасы кезінде азаматтарды азаптау дерегі бойынша ұсталды.
"Бас прокуратурамен 2022 жылдың қаңтарында Алматы облысы Қарасай ауданы Кошмамбет ауылында орналасқан арнайы қабылдау орнында азаматтарды азаптау бойынша қылмыстық іс тергеліп жатқаны белгілі. Тергеліп жатқан қылмыстық іс шеңберінде, 2024 жылғы 28 мамырда ҚПК-нің 128-бабына сәйкес Алматы қаласы Полиция департаменті бастығының бұрынғы орынбасары Б. Абильбеков ұсталды", - делінген Прокуратура мәлімдемесінде.
Бұл ретте құзырлы орган ҚПК-нің 201-бабы негізінде іс бойынша өзге де толығырақ ақпарат жария етуге жатпайтынын мәлімдеді.
