بۇگىن، 22 ءساۋىر كۇنى استانادا ءوتىپ جاتقان ەكس-مينيستر بيشىمباەۆتىڭ سوتىنا رەسەيدىڭ تانىمال ءجۋرناليسى، تەلەجۇرگىزۋشى، پروديۋسەر كسەنيا سوبچاك كەلدى، دەپ حابارلايدى “ادىرنا” ۇلتتىق پورتالى.
ول سالتانات نۇكەنوۆانى ولتىرگەنى ءۇشىن سوتتالىپ جاتقان ەكس-مينيستر قۋاندىق بيشىمباەۆتىڭ سوتىنا قاتىسىپ، وسى وقيعا بويىنشا ارنايى باعدارلاما تۇسىرۋگە كەلگەن.
ايتا كەتەيىك، كسەنيا سوبچاكتىڭ «وستوروجنو، نوۆوستي»، «وستوروجنو، سوبچاك» اتتى اۆتورلىق جوبالارى، instagram جەلىسىندە 10 ميلليونعا جۋىق وقىرمانى، «كروۆاۆايا بارىنيا» اتتى Telegram ارناسى بار. رەسەي بيلىگى ۋكرايناعا باسىپ كىرگەننەن كەيىن سوبچاك سوعىسقا قارسى شىعىپ، ۋاقىتشا ەلدەن كەتكەنىن مالىمدەگەن.
ەسكە سالا كەتەيىك، بۇگىن سوت باق وكىلدەرىنە سوت زالىنا قاتىسۋعا رۇقسات بەردى. سوتتىڭ ءباسپاسوز قىزمەتى رەسەيلىك ءجۋرناليستىڭ اككرەديتاتسيادان وتكەنىن راستادى.
