Almaty polıııa departamenti bastyǵynyń burynǵy orynbasary Berik Ábilbekov Qazaqstanda 2022 jylǵy qańtar oqıǵasy kezinde azaptaý deregi boıynsha ustaldy, dep habarlaıdy “Adyrna” ulttyq portaly. Bul týraly elimizdiń Bas prokýratýrasy málimdedi.
Vedomstvoda bul is Almaty oblysy, Qarasaı aýdany, Qoshmambet aýylyndaǵy arnaıy tergeý ızolıatorynda qamaýda otyrǵandardy azaptaýǵa qatysty ekenin túsindirdi. Prokýratýra tergeýdiń basqa málimetterin jarııalamady.
Otandyq BAQ-tardan ORDA.kz Ábilbekovtiń ustalýy qańtar oqıǵasy kezinde soqqyǵa jyǵylǵan qyrǵyz djazmeni Vıkram Rýzahýnovtyń azaptaý isine baılanysty dep jazady. Bul týraly basylymǵa mýzykanttyń advokaty Rena Kerımova habarlady.
Sondaı-aq Vlast.kz basylymy burynǵy polıııa bastyǵynyń Rýzahýnov isi boıynsha ustalǵanyn jazdy. Iske djazmennen bólek, Qoshmambet aýylyndaǵy arnaıy abaqtyda azaptaýdan aman qalǵan taǵy 22 jábirlenýshi qatysty. Olardyń arasynda Ózbekstan azamattary da bar ekenin «Respýblıka» basylymy buǵan deıin jazǵan.
Rýzahýnov sonymen qatar, ózin azaptap jatyr dep aıyptaǵan taratylǵan beınejazbany shyndyqqa janaspaıdy dep tanýdy, ony joqqa shyǵarýdy jáne resmı túrde keshirim suraýdy talap etip, QR Ishki ister mınıstrligi men «Qazaqstan» telearnasynyń ústinen azamattyq is qozǵady. Alaıda Astana soty bul talapty qanaǵattandyrýdan bas tartty.
Eske sala keteıik, buǵan deıin qalalyq polıııa departamentiniń burynǵy orynbasary Berik Ábilbekov qańtar oqıǵasy kezinde azamattardy azaptaý deregi boıynsha ustalǵanyn habarlaǵan bolatynbyz.
