Almaty oblysy týrızm basqarmasynyń uıymdastyrýymen óńirdegi kórikti mekenderge baspasóz-týry ótti. Sharaǵa, respýblıkalyq jáne oblystyq BAQ ókilderi men blogerler qatysty. Eki kúnge josparlanǵan saıahattyń alǵashqy aıaldamasy Qonaevtaǵy nómiri besinshi qalalyq jaǵajaı boldy.
Jaz mezgilinde taptyrmas demalys orny sanalatyn jaǵajaıda búginde qurylys jumystary júrgizilýde. Shamamen, aýmaǵy 25 myń sharshy metr.
Qazirgi tańda bul mańǵa kúnnen qorǵaıtyn shatyrlardyń qańqalary ornalastyrylǵan.
Jaǵajaı ishine jaıaý júrginshiler jolǵy, kúre jol salynǵan. 4 myńnan astam sharshy metr jerge gazon egiledi dep josparlanǵan. Sonymen qatar, sol mańaıǵa 127 birlik sham ornatylatyn bolady.
Qalalyq jaǵajaıdyń jóndeý jumystaryna «Urban Complete» JShS kompanııasy jaýapty. Qurylys jumystaryna qazynadan 874 mln. teńge kózdelgen.
Aıta keteıik, munda sportpen aınalysý, demalý, oıyn oınaý, kúnnen qorǵaný, shomylý úshin bar jaǵdaı qarastyrylǵan.
