ميللياردەر يلون ماسك نەگىزىن قالاعان Neuralink كومپانياسى مي ءچيپىن ورناتۋعا جاڭا قاتىسۋشى ىزدەيدى. بۇل تۋرالى كومپانيانىڭ ءباسپاسوز قىزمەتى X الەۋمەتتىك جەلىسىندە حابارلاما جاسادى، دەپ حابارلايدى “ادىرنا” ۇلتتىق پورتالى.
اقپاوات بويىنشا، ەكسپەريمەنتكە قاتىسۋعا قولى مەن اياعى سال بولىپ، قالىپتى قوزعالىس قىزمەتىن جوعالتقان ادام شاقىرىلادى. كاسىپكەردىڭ ءوزى دە ەكسپەريمەنتكە ەكىنشى ەرىكتى ىزدەيتىنىن حابارلادى.
ء"بىزدىڭ "تەلەپاتيا" كيبەرنەتيكالىق مي يمپلانتىمىز تەلەفون مەن كومپيۋتەردى ويلارىڭىزدىڭ كۇشىمەن باسقارۋعا مۇمكىندىك بەرەدى", – دەپ جازدى كاسىپكەر X الەۋمەتتىك جەلىسىندە.
ايتا كەتسەك، Neuralink 2016 جىلدان بەرى جۇمىس ىستەيدى جانە 2019 جىلى Bluetooth ارقىلى مي سيگنالدارىن جىبەرۋگە قابىلەتتى قۇرىلعىسىن تانىستىردى. 2021 جىلى عالىمدار ءچيپتى جانۋارعا ورناتىپ كورۋ سىناعىن ساتتى اياقتادى.
2023 جىلدىڭ قىركۇيەگىندە كومپانيا يمپلانتتى سىناۋ ءۇشىن ەكسپەريمەنتكە قاتىسۋشىلار تارتا باستادى. Neuralink ءچيپتىڭ قاۋىپسىزدىگىن جانە قۇرىلعىنى ورناتۋ ءۇشىن قولدانىلاتىن حيرۋرگيالىق روبوت جۇمىسىن سىناپ كورگىسى كەلدى. يمپلانت 29 جاستاعى سال اۋرۋىنا شالدىققان نولاند اربوعا قوندىرىلدى. جاس جىگىت ءچيپتىڭ كومەگىمەن اكەسىمەن ويىن ويناپ، ح جەلىسىندە جەكە بلوگىن اشتى.
