شەشەنستان باسشىسى رامزان قادىروۆتىڭ ۇلى احمات قادىروۆ جاڭا قىزمەتكە تاعايىندالدى. بۇل تۋرالى كەشە، 21 مامىردا شەشەنستان باسشىسى ءوزىنىڭ تەلەگرامم ارناسىندا جازدى، دەپ حابارلايدى “ادىرنا” ۇلتتىق پورتالى.
"دەنە شىنىقتىرۋ جانە سپورت ءمينيسترى قىزمەتىنە احمات قادىروۆ تاعايىندالدى. بۇرىن وسى لاۋازىمدى اتقارعان يسا يبراگيموۆ ۇكىمەت اكىمشىلىگى باسشىسىنىڭ ورىنباسارى لاۋازىمىنا اۋىستى",-دەپ جازدى رامزان قادىروۆ.
18 جاستاعى احماد قادىروۆ بۇعان دەيىن 2022 جىلدان باستاپ شەشەنستان باسشىسىنىڭ كەڭەسشىسى، رەسەي بالالار مەن جاستار قوزعالىسىنىڭ ايماقتىق توراعاسى قىزمەتتەرىن اتقارعان.
2023 جىلدىڭ قاراشاسىندا ول شەشەنستاننىڭ دەنە شىنىقتىرۋ ءمينيسترىنىڭ ورىنباسارى، ال اقپان ايىندا جاستار ءمينيسترى بولىپ تاعايىندالعان.
سونداي-اق، ول "وتان نامىسى" رەسپۋبليكاسى پارلامەنتىنىڭ جوعارى وردەنىمەن جانە قادىروۆ وردەنىمەن ماراپاتتالعان.
ايتا كەتەيىك، بۇعان دەيىن رامزان قادىروۆتىڭ ەكىنشى ۇلى، 16 جاستاعى ادامنىڭ جاڭا لاۋازىمعا يە بولعانىن حابارلاعان ەدىك. ول ۆلاديمير پۋتين اتىنداعى رەسەي ارنايى كۇشتەرىنىڭ (رۋس) كۋراتورى بولىپ تاعايىندالعان.
