Sheshenstan basshysy Ramzan Qadyrovtyń uly Ahmat Qadyrov jańa qyzmetke taǵaıyndaldy. Bul týraly keshe, 21 mamyrda Sheshenstan basshysy óziniń telegramm arnasynda jazdy, dep habarlaıdy “Adyrna” ulttyq portaly.
"Dene shynyqtyrý jáne sport mınıstri qyzmetine Ahmat Qadyrov taǵaıyndaldy. Buryn osy laýazymdy atqarǵan Isa Ibragımov úkimet ákimshiligi basshysynyń orynbasary laýazymyna aýysty",-dep jazdy Ramzan Qadyrov.
18 jastaǵy Ahmad Qadyrov buǵan deıin 2022 jyldan bastap Sheshenstan basshysynyń keńesshisi, Reseı balalar men jastar qozǵalysynyń aımaqtyq tóraǵasy qyzmetterin atqarǵan.
2023 jyldyń qarashasynda ol Sheshenstannyń dene shynyqtyrý Mınıstriniń orynbasary, al aqpan aıynda Jastar mınıstri bolyp taǵaıyndalǵan.
Sondaı-aq, ol "Otan namysy" Respýblıkasy Parlamentiniń joǵary ordenimen jáne Qadyrov ordenimen marapattalǵan.
Aıta keteıik, buǵan deıin Ramzan Qadyrovtyń ekinshi uly, 16 jastaǵy Adamnyń jańa laýazymǵa ıe bolǵanyn habarlaǵan edik. Ol Vladımır Pýtın atyndaǵy Reseı arnaıy kúshteriniń (RÝS) kýratory bolyp taǵaıyndalǵan.
