ءماجىلىس دەپۋتاتى نارتاي ارالبايۇلى رەسپۋبليكالىق ءداستۇرلى ساداق اتۋ فەدەراتسياسىنىڭ جاڭا پرەزيدەنتى بولدى، دەپ حابارلايدى "ادىرنا" ۇلتتىق پورتالى.
فەدەراتسيانىڭ رەسمي مالىمەتىنشە، بۇل قىزمەتتى 2023 جىلدان بەرى اتقارىپ كەلگەن ايدوس مۇقاتاەۆ ءوز وكىلەتتىگىن توقتاتتى. ونىڭ ورنىنا 2025 جىلدىڭ 28 تامىزىنان باستاپ نارتاي ارالبايۇلى تاعايىندالدى.
ء«سىزدىڭ بۇل مارتەبەلى قىزمەتكە كەلۋىڭىز ەلىمىزدەگى سپورت سالاسىنىڭ جۇيەلى دامۋىنا، حالىقارالىق ستاندارتتارعا ساي ىلگەرىلەۋىنە تىڭ سەرپىن بەرەتىنىنە سەنىم بىلدىرەمىز»، – دەلىنگەن فەدەراتسيانىڭ الەۋمەتتىك جەلىدەگى حابارلاماسىندا.
ايتا كەتەيىك، نارتاي ارالبايۇلى 1991 جىلى 15 ماۋسىمدا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن تامامداعان. ءار جىلدارى وتاندىق بىرنەشە تەلەارنادا جۇمىس ىستەدى. 2023 جىلدان بەرى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى.
