زەلەنسكيدىڭ ۋكراينا پرەزيدەنتى رەتىندەگى وكىلەتتىك مەرزىمى اياقتالدى. الايدا بۇۇ مالىمدەمە جاسادى، دەپ حابارلايدى "ادىرنا" ۇلتتىق پورتالى RBK-عا سىلتەپ.
بۇۇ ۋكراينانىڭ قازىرگى پرەزيدەنتى ۆلاديمير زەلەنسكيدى مەملەكەت باسشىسى دەپ قاراستىرۋدى جالعاستىراتىنىن مالىمدەدى.
رەسمي تۇردە زەلەنسكيدىڭ مەملەكەت باسشىسى رەتىندەگى وكىلەتى وسى جىلى 20 مامىردا اياقتالعان. دەگەنمەن ەلدەگى اسكەري جاعدايعا بايلانىستى پرەزيدەنتتىڭ وكىلەتى اۆتوماتتى تۇردە ۇزارتىلدى.
دۇنيەجۇزىلىك ۇيىم باسشىسىنىڭ وكىلى ستەفان ديۋجارريك زەلەنسكي بۇۇ ءۇشىن ۋكراينانىڭ كوشباسشىسى بولىپ قالا بەرەتىنىن ايتىلدى.
كرەمل رەسەي زەلەنسكيدىڭ وكىلەتىنىڭ زاڭدىلىعىنا قاتىستى ۇستانىمىن 21 مامىرعا تاياۋ جاريالايتىنىن حابارلادى.
«پرەزيدەنت زەلەنسكي - ءبىز ءۇشىن ۋكراينانىڭ مەملەكەت باسشىسى جانە ۋكراينا باسشىسىمەن بايلانىسۋ قاجەت بولعاندا سويلەسەتىن ادام بولىپ قالا بەرەدى»، - دەدى دۇنيەجۇزىلىك ۇيىم باسشىسىنىڭ وكىلى.
ۆلاديمير زەلەنسكي 2019 جىلى ۋكراينانىڭ پرەزيدەنتى بولىپ سايلاندى، سول جىلى 20 مامىردا ول قىزمەتكە كىرىستى. مەملەكەت باسشىسى بەس جىل مەرزىمگە سايلانادى، سايلاۋ 2024 جىلدىڭ ناۋرىزىندا ءوتۋى كەرەك بولاتىن.
