تاشكەنت وبلىسىندا جۇك ۆاگوندارى رەلستەن شىعىپ كەتتى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
«ۋزبەكيستون تەمير يۋللاري» كومپانياسى 18 مامىر كۇنى ۆاگونداردىڭ رەلستەن شىعىپ كەتكەنىن مالىمدەگەن.
كومپانيا مالىمەتىنشە «BN Grain and Oil Group» كاسىپورىنىنىڭ قىزمەتكەرلەرى ۆاگونداعى جۇكتى قابىلداپ الۋ ساتىندە تەمىرجول قۇرىلعىسىن قولدانۋ ەرەجەسىن ساقتاماعان. سالدارىنان جەتى ۆاگون رەلستەن شىققان.
«ۆاگوندارداعى جۇكتى ءتۇسىرۋ كەزىندە كاسىپورىننىڭ قىزمەتكەرلەرى ءتيىستى تالاپتاردى ساقتاماعان. اتاپ ايتقاندا، ولار ارنايى ارقاننىڭ كومەگىمەن ۆاگونداردى سۇيرەمەك بولعان. ناتيجەسىندە ارقان ءىلىنىپ تۇرعان قۇرىلعىدان شىعىپ كەتىپ، ۆاگوندار ءوز ەپكىنىمەن ءجۇرىپ كەتكەن»، - دەپ وقيعانىڭ ءمان-جايىن تۇسىندىردى «ۋزبەكيستون تەمير يۋللاري» كومپانياسىنان.
