تاشكەنت اۋەجايىنىڭ ماڭىندا ورنالاسقان قويمادا كۇشتى جارىلىس بولدى. جويقىن جارىلىس 30 شاقىرىم جەرگە سەزىلدى. زارداپ شەككەندەر بار، ولار اۋرۋحاناعا جەتكىزىلدى. بۇل تۋرالى gazeta.ru سايتى جاريالادى، دەپ حابارلايدى “ادىرنا” ۇلتتىق پورتالى.
وزبەكستان دەنساۋلىق ساقتاۋ مينيسترلىگى حابارلاعانداي، 02:43 (استانا ۋاقىتىمەن 03:43) كۇشتى جارىلىس سالدارىنان تاشكەنتتىڭ سىرگەلى اۋدانى داحا قالاسىنداعى قويمالاردىڭ بىرىندە ءورت شىقتى.
ءورت سالدارىنان زارداپ شەككەندەر رەسپۋبليكالىق جەدەل مەديتسينالىق جاردەم عىلىمي ورتالىعىنا جانە ونىڭ تاشكەنت وبلىستىق فيليالىنا جەتكىزىلدى، - دەپ حابارلادى دەنساۋلىق
ساقتاۋ مينيسترلىگى.
سونداي-اق دارىگەرلەر ءورت ورنىندا جانە جاقىن ماڭداعى ۇيلەردە زارداپ شەككەندەرگە كومەك كورسەتۋدە.
بۇعان دەيىن باق تاشكەنتتەگى جارىلىس كەدەن قويماسىندا بولعانىن، سول ساتتە وندا قىزمەتكەرلەردىڭ سانى كوپ بولعانىن حابارلاعان بولاتىن. كورشى تۇرعىن ۇيلەر قاتتى زاقىمدانعان. جارىلىستان كەيىن تاشكەنت اۋەجايىنداعى كەدەن تەرمينالى عيماراتىنان دەرلىك ەشتەڭە قالمادى.
الدىن الا مالىمەت بويىنشا، تاشكەنتتەگى جارىلىسقا ەلەكتروموبيلدەر مەن ولارعا ارنالعان اككۋمۋلياتورلار سالىنعان قويمادا نايزاعاي سوعۋى سەبەپ بولعان.
