پاۆلوداردا ءۇيدىڭ كىرەبەرىسىندە كىلتتى جوعالتىپ العانى ءۇشىن ايەلىمەن جانجالداسقان ەر ادام ۇستالدى. وعان قاتىستى ءىس قاراستىرىلدى، دەپ حابارلايدى “ادىرنا” ۇلتتىق پورتالى.
بۇل تۋرالى پاۆلوداردىڭ اكىمشىلىك قۇقىق بۇزۋشىلىق ىستەرى جونىندەگى مامانداندىرىلعان سوتى حابارلادى.
سوتتا ەر ادام ايەلىمەن كيكىلجىڭ پاتەر كىلتىن جوعالتقاندىقتان تۋىنداعانىن ايتتى.
"جانجال كەزىندە ول قاتتى ايعايلاپ، ادەپسىز سوزدەر ايتىپ، ونىڭ بەتىنەن ۇرىپ-سوققان. ول ءوزىنىڭ ارەكەتىنىن، بوقتاعانىن جانە جانجال شىعارعانىن قىزۋقاندىلىققا سالىنعانىمەن ءتۇسىندىردى", - دەلىنگەن سوتتىڭ حابارلاماسىندا.
پاۆلودارلىق ايەل سوتتا 28 جاستاعى كۇيەۋىمەن تاتۋلاسقانىن، وعان ەشقانداي تالابى جوق ەكەنىن ايتتى. ايەل سوت-مەديتسينالىق ساراپتامادان وتۋدەن دە باس تارتقان.
سوتتىڭ مالىمەتىنشە، ەر ادام وسىعان دەيىن تىنىشتىقتى بۇزعانى ءۇشىن ءتورت رەت قىلمىستىق جاۋاپكەرشىلىككە تارتىلعان.
