قازاقستاننىڭ ۇلتتىق قاۋىپسىزدىك كوميتەتى بىشكەكتە بولعان جاپپاي تارتىپسىزدىككە بايلانىستى مالىمدەمە جاسادى، دەپ حابارلايدى «ادىرنا» ءتىلشىسى.
ۇقك قازاقستان-قىرعىزستان مەملەكەتتىك شەكاراسىنداعى باقىلاۋ-وتكىزۋ پۋنكتتەرى شتاتتىق رەجيمدە جۇمىس ىستەپ جاتقانىن مالىمدەدى. سونداي-اق باق-تا شەكاراداعى جاعداي تۋرالى جالعان اقپارات تاراعانىن جەتكىزدى.
«ەكى ەل شەكاراشىلارى بىشكەك قالاسىنداعى جاعداي تۋرالى ۇزدىكسىز اقپارات الماسىپ وتىر. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ءباسپاسوز قىزمەتى بىشكەك قالاسىنداعى تۇنگى تارتىپسىزدىكتەردەن كەيىن پاكىستاندىق ستۋدەنتتەر توبىنىڭ قىرعىزستاننان قازاقستانعا وتۋگە جينالىپ جاتقانى تۋرالى كەيبىر باق-تا جاريالانعان اقپاراتتىڭ شىندىققا سايكەس كەلمەيتىنىن حابارلايدى»،—دەدى كوميتەت وكىلدەرى.
ايتا كەتەيىك، 18 مامىرعا قاراعان ءتۇنى بىشكەكتە جاپپاي تارتىپسىزدىك بولىپ، 29 ادام زارداپ شەكتى.
