Qazaqstannyń Ulttyq qaýipsizdik komıteti Bishkekte bolǵan jappaı tártipsizdikke baılanysty málimdeme jasady, dep habarlaıdy «Adyrna» tilshisi.
UQK Qazaqstan-Qyrǵyzstan memlekettik shekarasyndaǵy baqylaý-ótkizý pýnktteri shtattyq rejımde jumys istep jatqanyn málimdedi. Sondaı-aq BAQ-ta shekaradaǵy jaǵdaı týraly jalǵan aqparat taraǵanyn jetkizdi.
«Eki el shekarashylary Bishkek qalasyndaǵy jaǵdaı týraly úzdiksiz aqparat almasyp otyr. Qazaqstan Respýblıkasy Ulttyq qaýipsizdik komıtetiniń baspasóz qyzmeti Bishkek qalasyndaǵy túngi tártipsizdikterden keıin pákistandyq stýdentter tobynyń Qyrǵyzstannan Qazaqstanǵa ótýge jınalyp jatqany týraly keıbir BAQ-ta jarııalanǵan aqparattyń shyndyqqa sáıkes kelmeıtinin habarlaıdy»,—dedi komıtet ókilderi.
Aıta keteıik, 18 mamyrǵa qaraǵan túni Bishkekte jappaı tártipsizdik bolyp, 29 adam zardap shekti.
