شەت اۋدانىندا بارلىعى 60 ءۇي سۋ استىندا قالدى. كوميسسيا ولاردى تەحنيكالىق تەكسەرۋدەن وتكىزىپ، التى ءۇيدى اپاتتى دەپ تاپتى. بەس وتباسى بيۋدجەت ەسەبىنەن ءۇي ساتىپ الدى. ولار باسپانانى وزدەرى تاڭدادى. شەت اۋدانىنىڭ دەرىپسال بولىمشەسىندە تاعى ءبىر ءۇي سالىنىپ جاتىر .مۇنداي شەشىم ەلدى مەكەندە ساتىلاتىن ۇيلەر بولماۋى سەبەپتى قابىلدانعان. جاڭا تۇرعىن ءۇيدىڭ اۋدانى 75 شارشى مەتردى قۇرايدى.
اپاتتى دەپ تانىلماعان باسقا 54 ۇيدە جوندەۋ جۇمىستارى جۇرگىزىلۋدە. تۇرعىندار مۇلىكتەرىنىڭ زاقىمدانعانى ءۇشىن دە، جوندەۋ جۇمىستارىنا دا وتەماقى الدى.سونداي-اق، قىرىلعان مالدىڭ شىعىنىن وتەۋ ماسەلەسى دە شەشىلدى.
سۋ تاسقىنىنان زارداپ شەككەن تۇرعىندارعا مەملەكەتتەن دە، قوعام قايراتكەرلەرىنەن، ەرىكتىلەردەن، كاسىپكەرلەردەن ، قحا-دان دا جان-جاقتى قولداۋ كورسەتىلدى.
قاراعاندى وبلىسىنىڭ ايەلدەر ىستەرى جانە وتباسىلىق دەموگرافيالىق ساياسات جونىندەگى ۇلتتىق كوميسسياسى ەرتەڭ جەتكىزىلەتىن گۋمانيتارلىق جۇك جىبەرەدى.
