قاراعاندىدا گاز باللونى جارىلدى. سالدارىنان 4 پاتەر زارداپ شەكتى، ەكى ادام اۋرۋحاناعا جەتكىزىلدى. بۇل تۋرالى وبلىستىق توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
وقيعا 21 قاڭتار كۇنى ساعات 18:51-دە قاراعاندى قالاسىنداعى ششورس كوشەسى، 37-ۇيدە بولعان.
«ەكى قاباتتى تۇرعىن ۇيدە گاز باللونى جارىلدى (كولەمى 5 ل). ءورت بولعان جوق. جارىلىس سالدارىنان №6 (2-ءشى قاباتتا) جانە ءىشىنارا №4, 5 (2-قاباتتا) جانە 3 (1-قاباتتا) پاتەرلەردە اعاش قابىرعالار قيراپ، الدىن الا بولجام بويىنشا ءۇيدىڭ 36 شارشى مەتر الاڭى ءبۇلىندى»، - دەپ حابارلايدى قاراعاندى وبلىسى توتەنشە جاعدايلار دەپارتامەنتىنىڭ ءباسپاسوز قىزمەتىنەن.
جارىلىس سالدارىنان 53 جاستاعى ەر ادام مەن 54 جاستاعى ايەل زارداپ شەكتى. ولار كۇيىك جاراقاتتارمەن قاراعاندى قالاسىنداعى وبلىستىق مەديتسينا ورتالىعىنا جاتقىزىلدى.
وقيعا ورنىندا وبلىستىق تجد-ءنىڭ 36 قىزمەتكەرى جانە 8 تەحنيكاسى جۇمىس ىستەپ جاتىر.
قالا اكىمدىگى باسپانالارى بۇلىنگەن تۇرعىندارعا جاتاقحانادان ورىندار ۇسىندى. وقيعانىڭ ءمان-جايى انىقتالىپ جاتىر.
