سولتۇستىك قازاقستاندا سۋ تاسقىنىنان زارداپ شەككەندەردى الداماق بولعاندار ۇستالدى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
پوليتسيا دەپارتامەنتىنىڭ ءباسپاسوز قىزمەتى پەتروپاۆلدا سۋ تاسقىنىنان زارداپ شەككەندەردى بىرىكتىرەتىن WhatsApp چاتتارىندا ادامدار ينتەرنەت-الاياقتىقتىڭ جاڭا سحەماسى تۋرالى ەسكەرتۋ جىبەرىپ جاتقانىن مالىمدەدى.
«ول بويىنشا وتەماقى تولەۋدى كۇتكەن ادامدار بەلگىلى ءبىر مەملەكەتتىك ورگاننىڭ اتىنان قوڭىراۋ شالىپ، SMS كودىن جازۋدى ۇسىنادى — بۇل ادامنىڭ سۋ تاسقىنىنان زارداپ شەككەندەردىڭ تىزىمىندە ەكەنىن راستاۋ ءۇشىن جاسالادى. شىندىعىندا، وسى كودتىڭ ارقاسىندا الاياقتار جابىرلەنۋشىنىڭ اتىنا بانكتەردەن ۇلكەن سومادا نەسيە راسىمدەيدى» — دەلىنگەن پوليتسيا حابارلاماسىندا.
ۇقساس جاڭالىقتار
