استانادا زاڭسىز مەشىت انىقتالدى. بۇل تۋرالى ىشكى ىستەر مينيسترلىگى انىقتادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، استانا پوليتسياسىنا ءدىني بىرلەستىكتىڭ زاڭسىز قىزمەتى تۋرالى حابارلاما تۇسكەن. ەلوردالىق پوليتسەيلەر جاۋاپ بەرىپ، قۇمبەل كوشەسىندەگى جەكە ۇيگە جالعاساتىن عيمارات مەشىت رەتىندە جابدىقتالعانىن انىقتادى.
15 مامىر كۇنى قۇقىق قورعاۋ ورگاندارىنىڭ قىزمەتكەرلەرى عيماراتتان ءدىني ادەبيەت پەن نامازحانا تابىلعانىن مالىمدەدى. تاقتاعا ناماز ۋاقىتتارى جازىلعان.
"سوت وتىرىسى بارىسىندا مەشىت قالادا تىركەلگەن ءدىني عيماراتتار تىزىمىندە بولماعاندىقتان، زاڭسىز جۇمىس ىستەگەنى بەلگىلى بولدى", دەلىنگەن پد ءباسپاسوز قىزمەتىنىڭ حابارلاماسىندا.
سونىمەن قاتار، 59 جاستاعى ەلوردا تۇرعىنى ءدىني قىزمەت تۋرالى زاڭنامانى بۇزعانى ءۇشىن كىنالى دەپ تانىلىپ، وعان 184 600 تەڭگە ايىپپۇل سالىندى. ودان بولەك، دەپارتامەنت قورىتىندى جاسادى، زاڭسىز ارەكەتتەر توقتاتىلدى.
