بولات نازارباەۆ زاڭسىز العان جەرلەر مەملەكەتكە قايتارىلدى. بۇل تۋرالى AMANAT پارتياسى جانىنداعى vەملەكەتتىك باسقارۋدى دامىتۋ جانە سىبايلاس جەمقورلىققا قارسى كۇرەس جونىندەگى رەسپۋبليكالىق قوعامدىق كەڭەستىڭ توراعاسى ەرلان سايىروۆ ايتتى، دەپ حابارلايدى “ادىرنا” ۇلتتىق پورتالى.
پارتيانىڭ سايتى قازىر بولات نازارباەۆتىڭ ەنشىلەس كومپانيالارىنا تيەسىلى ماڭعىستاۋ وبلىسىنداعى 239 مىڭ گەكتار، جامبىل وبلىسىنداعى 60 مىڭ گەكتار جەردىڭ مەملەكەت مەنشىگىنە قايتارىلعانىن حابارلادى.
بۇعان دەيىن باس پروكۋراتۋرامەن بىرلەسىپ، اۋماعى 244 گەكتار بولاتىن 59 جەر ۋچاسكەسى انىقتالعان ەدى. ولاردىڭ دا مەنشىك يەسى بولات نازارباەۆ بولىپ شىققان.
مالىمەتتەردى راستاۋ ءۇشىن Tengrinews.kz ءتىلشىسى ەرلان سايىروۆتىڭ وزىنە حابارلاسىپ كورگەن.
“بىزگە الماتى وبلىسىنداعى ءبىر توپ ادامنان زاڭسىز ارەكەتتەر تۋرالى ارىز ءتۇستى. باس پروكۋراتۋراعا الماتى، تالعار، استانا، قاسكەلەڭ جانە تۇركىستان وبلىسىنداعى 244 گەكتار جەر بويىنشا ساۋال جولدادىق. قازىر باس پروكۋراتۋرا وكىلدەرى بۇل جەرلەردىڭ كوپشىلىگى زاڭسىز بەرىلگەنىن انىقتادى. باس پروكۋراتۋرا بۇل جەرلەردى مەملەكەتكە قايتارۋ ءۇشىن ءىس-قيمىل جۇرگىزىپ جاتىر”، - دەپ ءتۇسىندىردى ول.
سونىمەن قاتار، ەرلان سايىروۆ ول جەرلەردى مەملەكەت مەنشىگىنە قايتارۋ تۋرالى دابىل تۇسكەنىنە 6 اي وتكەنىن ايتتى.
