اۋا رايىنىڭ قولايسىزدىعىنا بايلانىستى استانا اۋەجايىنىڭ اەرودرومى جابىلدى، دەپ حابارلايدى «ادىرنا» ۇلتتىق پورتالى اۋەجايدىڭ ءباسپاسوز قىزمەتىنە سىلتەمە جاساپ.
«30 جەلتوقساندا ساعات 09.30-دان 12.00-گە دەيىن اۋا رايىنىڭ كۇرت وزگەرۋىنە بايلانىستى استانا حالىقارالىق اۋەجايىنىڭ اەرودرومى جابىلدى»، - دەلىنگەن حابارلامادا.
قازىر ەلوردا اۋەجايىنا كەلگەن 27 رەيس كەيىنگە شەگەرىلدى. اۋا رايىنىڭ قولايسىزدىعىنا بايلانىستى اۋە كومپانيالارى دا اۋەجايدا ۇشىپ-قونۋ ءۇشىن رەيستەرىن كەيىنگە قالدىرۋعا شەشىم قابىلدادى.
سونداي-اق جەلتوقساننىڭ 30-ىنا قاراعان ءتۇنى اۋا رايىنىڭ قولايسىزدىعىنان استانا اۋەجايىنان كەلەتىن جانە باراتىن 31 رەيس كەيىنگە شەگەرىلگەنى حابارلاندى.
«ادىرنا» ۇلتتىق پورتالى
