جامبىل وبلىسىنىڭ بايزاق اۋدانىندا سۋدى زاڭسىز الۋ دەرەكتەرى انىقتالدى. بۇل تۋرالى سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى جازدى، دەپ حابارلايدى "ادىرنا".
«دروندار مەن كارتوگرافيالىق ءتۇسىرىلىمنىڭ كومەگىمەن سۋدى زاڭسىز الۋ فاكتىلەرى انىقتالدى»، – دەلىنگەن سەيسەنبى كۇنگى حابارلامادا.
شۋ–تالاس باسسەيندىك سۋ ينسپەكتسياسىنىڭ مالىمەتىنشە، زاڭ بۇزۋشىلىقتار اۋدان اۋماعىندا جۇرگىزىلگەن رەيدتىك ءىس-شارا بارىسىندا بەلگىلى بولعان.
زاڭ بۇزۋشىلار قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 141-بابىنىڭ 2-بولىگى بويىنشا اكىمشىلىك جاۋاپكەرشىلىككە تارتىلدى.
جىل باسىنان بەرى 18 ادام جاۋاپقا تارتىلىپ، جالپى ايىپپۇل سوماسى 3,8 ميلليون تەڭگەنى قۇرادى.
ۇقساس جاڭالىقتار
