تاجىكستان بيلىگى «جانوزا» (جانازا نامازى) كەزىندە قايتىس بولعان جاس قىزدى ەل الدىندا بالاعاتتاپ، ءتىل تيگىزگەن، دەپ حابارلايدى «ادىرنا» ۇلتتىق پورتالى.
وزودي راديوسىنىڭ مالىمەتىنشە، تاجىك ءجۋرناليسى ابدۋكودير تالباكوۆ گيسسار تۋرديبوبو اۋىلىندا 25 جاستاعى قىزدى جەرلەۋگە قاتىسقانداردىڭ بىرىنە سىلتەمە جاساي وتىرىپ، Facebook پاراقشاسىندا ابدۋكاححور ميرزوەۆ پەن دومۋللو ابدۋكاححور «جانوزا» ءراسىمى كەزىندە مارقۇم قىزدى جانە ونىڭ وتباسى مۇشەلەرىن «فاسيق» (ناماز وقىمايتىندار) وتباسى دەپ اتاپ، اكەسىن ماسقارالاعان.
حانافي ءمازحابى بويىنشا ناماز وقىماعان ادام كۇناھار، فاسيق بولىپ سانالادى. الايدا بۇل ءمازحابتا ادام نامازدىڭ پارىزىنا سەنىپ، بىراق ونى جالقاۋلىقتان ورىنداماسا، «كاپىر» دەپ ايىپتاماعان.
تاجىكستاندا بۇعان دەيىن «جانوزا» نەمەسە جەرلەۋ ءراسىمى كەزىندە مارقۇمدى جانە ونىڭ وتباسى مۇشەلەرىن قورلاۋ وقيعاسى بولماعان.
تاجىكستان ۇكىمەتى جانىنداعى ءدىن، داستۇرلەردى، مەرەكەلەر مەن راسىمدەردى رەتتەۋ كوميتەتىنىڭ ءباسپاسوز حاتشىسى افشين مۋكيم گيسسارداعى وقيعا تۋرالى اقپاراتتى راستادى.
«قازىر گيسسار اۋدانى دۋربات اۋىلىنىڭ تۇرعىنى ابدۋكاححور ميرزوەۆ ءتيىستى ورگان قىزمەتكەرلەرىنىڭ سۇراقتارىنا جاۋاپ بەرىپ جاتىر»، - دەپ ءباسپاسوز حاتشىسى فەيسبۋك پاراقشاسىندا حابارلادى.
بەلگىلى بولعانداي، قايتىس بولعان قىز قانت ديابەتىمەن اۋىرعان.
«ادىرنا» ۇلتتىق پورتالى
