رەسەي ۆەتەرينارلىق جانە فيتوسانيتارلىق باقىلاۋ فەدەرالدىق قىزمەتى (روسسەلحوزنادزور) قازاقستاننىڭ بەس كاسىپورنىنىڭ ونىمىنە ۋاقىتشا شەكتەۋ قويدى. ال 2018 جىلى قازاق ۇكىمەتى رەسەيدىڭ كەيبىر ونىمدەرىن ەلگە كىرگىزۋگە تيىم سالعان بولاتىن. وسى رەتتە قازاقستان مەن رەسەي ەكونوميكالىق وداقتاس پا، جوق الدە باسەكەلەس پە دەگەن زاڭدى سۇراق تۋىندايدى؟
روسسەلحوزنادزور 15 شىلدەدەن باستاپ قازاقستاننىڭ بىرنەشە كءاءسىپورنىنىڭ ءونىمدەرىن رەسەي تەرريتورياسىنا كىرگىزۋگە ۋاقىتشا شەكتەۋ قويىپ وتىر. ناقتىراق ايتساق، ولاردىڭ قاتارىندا «ءوسكەمەن قۇس فابريكاسى» (ءوءنىم قۇرامىندا ءبىر رەت تەتراتسيكلين توبىنا جاتاتىن انتيبيوتيك، سالمونەلل انىقتالعان); «ADM Investment» ء(بىر رەت پاتوگەندى ميكروورگانيزم، ونىڭ ىشىندە سالمونەلل انىقتالعان); «ورداباسى-قۇس» ء(بىر رەت پاتوگەندى ميكروورگانيزم، ونىڭ ىشىندە سالمونەلل، ەنروفلوكساتسين انىقتالعان); «پاريجسكايا كوممۋنا حح1» ء(بىر رەت Listeria monocytogenes انىقتالعان); «Kazakh Osseter» ء(بىر رەت كءۇشءان (مىشياك) بار.
روسسەلحوزنادزور بۇل ءارەكەتىن «2018 جىلدىڭ ماۋسىم ايىندا قازاقستان اۋىل شارۋاشىلىعى مينيسترلىگىنىڭ ۆەتەرينارلىق باقىلاۋ كوميتەتى ءبىرقاتار رەسەيلىك كءاءسىپورىنداردىڭ ءونىمدەرىنە شەكتەۋ قويعانىمەن» تءۇسىندىرەدى. «بۇل ەۋرازيالىق ەكونوميكالىق كوميسسيا بەكىتكەن شەشىمدە كءورسەتىلگەن ۆەتەرينارلىق باقىلاۋعا جاتاتىن ءوءنىمدى يا وبەكتىنى تەكسەرۋ ەرەجەسىنە قايشى. قازاقستاندىق ءارىپتەستەر روسسەلحوزنادزوردىڭ رەسەيلىك كءاءسىپورىن ءونىمدەرىنە قاتىستى شەكتەۋدىڭ الىنىپ تاستاۋ مءاسەلەسىنە قاتىستى ءاءلى كءۇنگە جاۋاپ بەرگەن جوق»، - دەپ مالىمدەدى روسسەلحوزنادزور.
قازاقستان رەسەيلىك قۇس ءونىمدەرىن ءوندىرەتىن كءاءسىپورىندارعا ەنگىزگەن شەكتەۋدى ءاءلى العان جوق. مىنە وسىعان جاۋاپ بەرىندە رەسەي ەلىمىزدىڭ بەس بىردەي كاسىپورنىنىڭ تاۋارلارىنا شەكتەۋ قويىپ وتىر. بەلگىلى ەكونوميست جانگەلدى شىمشىقوۆتىڭ ايتۋىنشا، قازاقستان مەن رەسەيدىڭ ەكونوميكالىق وداقتاس بولۋى مۇمكىن ەمەس.
– ءبىز رەسەيمەن ساياسي جاعىنان وداقتاسپىز. بىراق ەكونوميكاسى بىردەي ەلدەردىڭ اراسىندا ەكونوميكالىق ينتەگراتسيا بولمايدى. ويتكەنى رەسەيدە بار ەت، مۇناي، بيداي، تەمىر سياقتى زاتتار بىزدە دە بار. سول سەبەپتى قازاقستان مەن رەسەيدىڭ اراسىندا ەكونوميكالىق ينتەگراتسيا بولۋى مۇمكىن ەمەس. ساياسي جاعىنان وداقتاس بولعانىمىزبەن ەكونوميكالىق تۇرعىدان باسەكەلەسپىز. ەسەكتىڭ موينىن قانشا سوزعانىڭمەن جىلقى بولمايتىنى سەكىلدى قازاق پەن ورىستىڭ ەكونوميكالىق مۇددەسى ءبىر بولمايدى. سوندىقتان دا ءبىزدىڭ ۇكىمەت بۇعان دەيىن رەسەيدىڭ كەيبىر ونىمدەرىنە تيىم سالدى. مۇنى كەيبىر ازاماتتار «ءبىزدىڭ ۇكىمەت رەسەيدىڭ ىرقىنا كونبەي وتىر» دەپ بولجاۋى مۇمكىن. وكىنىشكە قاراي قازاق ۇكىمەتى كەدەن وداعىنان باستاپ، كۇنى بۇگىنگە دەيىن ءوزىنىڭ مۇددەسىن باتىل قورعاي الماي كەلەدى. ماسەلەن، ءبىزدىڭ اراق-شاراپ ونىمدەرىمىز رەسەيگە وتە الماي وتىر. ال ءبىزدىڭ دۇكەندەردە رەسەيدىڭ اراق-شاراپتارى تولىپ تۇر. شىنى كەرەك، ەۋرازيا ەكونوميكالىق وداعىنان ەشقانداي پايدا تاپقان جوقپىز، – دەيدى ەكونوميست.
بۇعان دەيىن ءبىزدىڭ ۇكىمەت رەسەيدىڭ بىرنەشە ونىمىنە شەكتەۋ قويعان بولاتىن. الايدا بۇل شەكتەۋدىڭ رەسەيدىڭ قادامىنان كەيىن جاسالعانىن ۇمىتپاعان ءجون.
جانگەلدى شىمشىقوۆ ايتۋىنشا، قازاقستان رەسەيمەن ەمەس، بەلورۋسسيا مەن جاپونيا سياقتى مەملەكەتتەرمەن ەكونوميكالىوق ينتەگراتسيا جاساۋى كەرەك. ويتكەنى بەلورۋسسيانىڭ تەحنيكاسى مەن جاپلونيانىڭ تەحنولوگياسى مىقتى دامىعان.
– نەگىزى بىزگە رەسەيمەن ەمەس، بەلورۋسسيامەن جاقسى ينتەگراتسيا جاساۋعا بولادى. مىسالى اتالعان ەلدە تروكتور سياقتى اۋىل شارۋاشىلىعىنا قاتىستى ءارتۇرلى تەحنيكالار شىعارىلادى. ءبىز اتالعان ەلمەن باسەكەلەسپەي، كەرىسىنشە ءبىر-ءبىرىمىزدى تولىقتىرىپ وتىرار ەدىك. سونداي-اق، ەڭ ناعىز ەكونوميكالىق ينتەگراتسيا جاپونيامەن جۇزەگە اسادى. ويتكەنى ولاردا بىزدەگىدەي كەن ورنى مەن اۋىل شارۋاشىلىق سالاسى دامىماعان. سوندىقتان دا ءبىز جاپونداردىڭ جاڭا يننوۆاتسيالىق تەحنولوگيالارىن پايدالانساق، نۇر ۇستىنە نۇر بولار ەدى. توقسان اۋىز ءسوزدىڭ توبىقتاي ءتۇيىنى، ءبىز رەسەيدەن قاراعاندا بەلورۋيا مەن جاپونيا سەكىلدى ەلمەن ەكونوميكالىق بايلانىس ورناتۋىمىز كەرەك ، – دەيدى جانگەلدى شىمشىقوۆ.
ەۋرازيا ەكونوميكالىق وداعى مۇشە مەملەكەتتەردىڭ ءبىر-ءبىرىنىڭ ونىمدەرىنە تيىم سالۋى كۇلكىلى جاعداي. الايدا وداق قۇرىلعانى سوڭعى 5 جىلدا مۇنداي جاعدايلار جيىلەپ بارادى. سوعان قاراعاندا ەكونوميكالىق وداقتىڭ بولاشاعى بۇلىڭعىر دەپ نىق سەنىممەن ايتۋعا بولادى.
سەرىك جولداسباي
"ادىرنا" ۇلتتىق پورتالى
