قازاقستاندىق ازامات بەيبىت بايمولدا لوندوندا ەر ادامدى ءولتىردى دەگەن كۇدىككە ءىلىندى، دەپ حابارلايدى “ادىرنا” ۇلتتىق پورتالى TSC News-كە سىلتەپ.
«كرەنستون گاردەنس E4 مەكەن-جايىندا 42 جاستاعى ەر ادامنىڭ پىشاقتالۋىنان كەيىن 37 جاستاعى بەيبىت بايمولداعا ادام ءولتىردى دەگەن ايىپ تاعىلدى»، - دەلىنگەن حابارلامادا.
6 مامىر كۇنى ساعات 21.00 شاماسىندا پوليتسياعا قوڭىراۋ تۇسكەنى حابارلاندى. وقيعا ورنىنا جەتكەن پوليتسەيلەر پىشاق جاراقاتتارىمەن جاتقان جابىرلەنۋشىنى تاپتى. ولاردىڭ تيىستى ارەكەتىنە قاراماستان، ەر ادام العان جاراقاتتارىنان وقيعا ورنىندا كوز جۇمدى.
«ادام ءولتىردى دەگەن كۇدىكپەن بەيبىت بايمولدا مەن 33 جاستاعى ايەل وقيعا ورنىندا ۇستالدى»، - دەلىنگەن حابارلامادا.
بايمولداعا قاتىستى ايىپ تاعىلىپ، 33 جاستاعى ايەل قوسىمشا تەرگەۋگە دەيىن كەپىلمەن بوساتىلعانى اتاپ ءوتىلدى.
