ۇلتتىق قاۋىپسىزدىك كوميتەتى لاڭكەستىك ۇيىمداردى ناسيحاتتادى دەگەن كۇدىكپەن باتىس قازاقستان وبلىسىنىڭ تۇرعىنىن ۇستادى، دەپ حابارلايدى "ادىرنا" پورتالى كوميتەتتىڭ ءباسپاسوز قىزمەتىنە سىلتەپ.
«27 قىركۇيەكتە ۇقك پروكۋراتۋراسى جانە پوليتسيانىڭ بىرلەسۋىمەن باتىس قازاقستان وبلىسىنىڭ تۇرعىنى ۇستالدى»، - دەلىنگەن حابارلامادا.
ول الەۋمەتتىك جەلىلەردە حالىقارالىق تەرروريستىك ۇيىمداردىڭ ۇگىت-ناسيحات ماتەريالدارىن تاراتقان دەگەن كۇدىككە ءىلىندى.
ەر ادامنىڭ بۇعان دەيىن دە لاڭكەستىك ارەكەتى ءۇشىن سوتتالعانى كورسەتىلگەن. ونىڭ ۇيىنەن ءدىني ادەبيەتتەر مەن باسقا دا زاتتاي ايعاقتار تاركىلەندى.
قر قىلمىستىق كودەكسىنىڭ 256-بابىنىڭ 2-بولىگى (تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا شاقىرۋ) بويىنشا سوتقا دەيىنگى تەرگەۋ امالدارى جۇرگىزىلۋدە.
