ساتباەۆتا سوت: تاعى ەكى ازامات 5 جاسار قىزدى زورلادى دەگەن كۇدىك بار

5390
Adyrna.kz Telegram

ساتباەۆ قالاسىندا قارشاداي قىز زورلاندى دەپ جاپپاي تارتىپسىزدىك جاساعاندار سوت الدىندا جاۋاپ بەرە باستادى. بۇزاقىلىق جاسادى دەگەن ايىپپەن 57 ادام جاۋاپكەرشىلىككە تارتىلۋدا. ال بەس جاسار قىزدى زورلادى دەگەن كۇدىكپەن تاعى ەكى ازامات سۇرالىپ جاتىر، دەپ حابارلايدى «ادىرنا» ءتىلشىسى «كتك» ارناسىنا سىلتەمە جاساپ.

تەرەۋ مالىمەتىنشە، قارشاداي  قىزدى پاتەرگە 62 جاستاعى ءۇي يەسى كىرگىزىپ العان. بەيكۇنا بالانىڭ تۋىستارى مەن كورشىلەرى قىزدى ىزدەي باستاعاندا، پاتەر يەسى دە تۇك بولماعانداي سولارمەن بىرگە جۇرگەن. سويتسە ول قورعانسىز قىزعا ءدارى بەرىپ ۇيىقتاتىپ تاستاعان. اقىرى كۇدىك تۋعىزعان پاتەرگە ەرىكتىلەر مەن پوليتسەيلەر باسىپ كىرىپ، قىزدى توسەكتىڭ استىنان ەس-ءتۇسسىز كۇيىندە تاپتى. وسىدان كەيىن جينالعان جۇرت پاتەر قوجايىنىن ءوزىمىز جازالايمىز دەپ، ارتى جاپپاي تارتىپسىزدىككە ۇلاسقان.

كوپ ۋاقىت وتپەي، كۇدىكتى وتكەن جىلدىڭ قاراشا ايىندا تەرگەۋ اباقتىسىندا اسىلىپ ءولدى. ال ونىڭ قاسىندا قوناققا كەلگەن ەرلى-زايىپتىلاردىڭ بولعانى بەلگىلى بولدى. ەندى سوتتا وسى ەكەۋى جاۋاپ بەرۋدە. ال قالانىڭ استاڭ-كەستەڭىن شىعارىپ بۇزاقىلىق جاساعانداردىڭ اراسىندا كامەلەتكە تولماعاندار دا بار ەكەن. سوندىقتان ولاردىڭ ءىسىن يۋۆينالدى سوت قارايدى.

«بۇگىنگى كۇنى اتالعان ءىس بوينىشا 57 كۇدىكتى ءوتىپ جاتىر. ولاردىڭ 44-ىنە بۇلتارتپاۋ شاراسى، قاماۋدا ۇستاۋ شاراسى قولدانىلعان. بەسەۋى – ۇيقاماقتا، ۇشەۋى اتا-انانىڭ قاراۋىنا بەرىلگەن، ەكەۋى ەشقايدا كەتپەۋ جونىندە قولحات جانە ءۇش ادام ىزدەۋدە جۇرگەن. ونىڭ بىرەۋى انىقتالدى»،-دەدى قاراعاندى وبلىستىق پروكۋراتۋراسىنىڭ باسقارما پروكۋرورى نۇرسۇلتان قادىرباي.

«ادىرنا» ۇلتتىق پورتالى

پىكىرلەر