قازاقستاندا جاڭا قاۋىمداستىق قۇرىلادى. بۇل تۋرالى ءساۋىر ايىنىڭ باسىندا «جاڭا ادامدار» جاستار قوزعالىسى سۋ تاسقىنىمەن كۇرەس كەزىندە اپات ايماقتارىنا ەرىكتىلەر توبىن جىبەرۋ ءۇشىن جاڭا قاۋىمداستىق قۇراتىنىن مالىمدەدى، دەدى دەپ حابارلايدى “ادىرنا” ۇلتتىق پورتالى.
«بارىمىزگە قاتىستى» ناۋقانى ارقىلى سۋ اپاتى كەزىندە كومەككە مۇقتاج ايماقتارعا ونداعان توننا گۋمانيتارلىق كومەك جىبەرىلدى. سونداي-اق جۇزدەگەن ادام ءارتۇرلى توپپەن كوكشەتاۋ، پەتروپاۆل، ورال، اتىراۋ جانە اقمولا وبلىسىنىڭ بىرنەشە اۋىلىنا باردى.
سۋ باسقان وڭىرلەرگە جۇزدەگەن جاس اپاتپەن كۇرەسكە كومەكتەسۋ ءۇشىن جونەلتىلدى. ولار بوگەت سالۋ، قاپقا قۇم تولتىرۋ جانە وزگە دە جۇمىستارعا اتسالىستى.
ەلىمىزدەگى تابيعي اپات قازاقستاندا جاڭا قاۋىمداستىقتىڭ قۇرىلۋىنا سەبەپكەر بولدى. «جاڭا ادامدار» جاستار قوزعالىسى قاۋىمداستىق اتاۋىن «جاعدايعا نەمقۇرايلى ەمەس جاندار» دەپ اتادى.
ايتا كەتەيىك، «جاڭا ادامدار» قوزعالىسى 2022 جىلدىڭ تامىزىندا قۇرىلدى. قوزعالىس جەتەكشىسى اسەل بادەنوۆانىڭ ايتۋىنشا، ونىڭ 700 مۇشەسى بار.
اتالعان قوزعالىس بيىل اقپان ايىندا ەل تۇرعىندارىنا ەلتاڭبانى اۋىستىرۋ تۋرالى ۇسىنىس جاساعان بولاتىن.
"الايدا ءبىز بىلەتىن ەلتاڭبا قۇندىلىقتارىمىز جايلى سىر شەرتپەيدى ءارى بولاشاققا جول سىلتەر ءرامىز ەمەس. ساۋالناماعا قاتىسقان قازاقستاندىقتاردىڭ 70 پايىزى ەلتاڭبامىزدى تاني المادى. قازاقستان – قازىرگى زامان تالاپتارىنا ساي العا ۇلكەن ماقساتتار قويىپ، جاڭا بەلەستەردى باعىندىرۋ جولىندا. ءبىز، جاڭا ادامدار، جاۋاپكەرشىلىگى زور ماقساتتارعا بەت العان جاس مەملەكەتكە تىڭ كوزقاراستاعى جاڭا ءرامىزدىڭ كەرەك ەكەنىن سەنىمدىلىكپەن جەتكىزگىمىز كەلەدى. جاڭا ەلتاڭبا – جاھاندىق وزگەرىستەر ورىن العان شاقتا ءبىزدىڭ مەملەكەتىمىزدىڭ ناقتى ورنى قايدا ەكەنىنە جاۋاپ بەرۋى كەرەك", – دەدى ولار.
